Bemoediging en simpatie van God

God sal kom ingryp

1.   ‘n Vreesaanjaende ervaring wag op ons, maar vir gelowiges is daar niks om oor te vrees nie. Baie mense sal gelowig word as gevolg van hierdie beproewings.  Maar God sal ons genadig wees – hy stuur sy engele na hierdie volk wat van Hom afvallig geword het sodat ons weer kan terugkeer na Hom toe. Ons land sal weer groot en sterk word. Almal oor die wêreld sal notisie van ons neem, ons sal weer goeie geestelike vrugte dra en ons land sal weer goeie oeste oplewer.
2.    Jesus vra dat ons sal opstaan en sal wag in stilte, dit is nie meer lank nie, die tyd is gereed. As ons, ons toewy aan God sal selfs die armste persoon iets hê om te eet en die behoeftiges sal veilige woonplekke hê. Hy sal weer ons offers aanneemlik vind soos in die ou dae, soos jare gelede. Wees selfbeheers en nugter, moenie ophou bid nie, die einde van ons ellendes is naby.
3.    Die volk wat nou in donkerte leef, Luister: “Daar sal weer ‘n lig oor ons skyn.”
4.    Julle sal weer vir mekaar geskenke gee van goud en waardevolle juwele. Vir die wat ons land binne kom en ons mense verskrik en moor, vir julle en aan al die leiers in Suid-Afrika, die verteenwoordigers van die regering, die in diens van die land, is die boodskap: “Julle tyd is min, weet dat God Sy engele gestuur het om ons stede se ingange te bewaak, hulle staan in afwagting vir die regte tyd. Die Here sorg vir die wat reg doen en Hy luister na hulle gebede. Hy sal optree teen die wat kwaad doen en Hy sal sorg dat Sy woord kragtig sal groei en sterk sal word in hierdie land.
5.    Wanneer God ingryp sal alles ten goede verander, daar sal weer baie gelowiges wees en daar sal weer  vreugde en vrede heers  en  ‘n oorvloed van kos wees.
6.    Daar is baie gelowiges onder ons en God gaan aan julle reg laat geskied. Die land sal te hore kom van die vrede en geregtigheid wat gaan plaasvind. Moenie dink God sien nie die ongeregtighede raak nie.  God sien elkeen van ons se ellendes raak. God sien ons verdrukking en armoede, maar Hy sien ook die raak wat ryk is in Gees.
7.    God kom ons land skoonmaak. Die wat volhard en wat aan God behoort sal die land weer in besit neem. God hoor hoe sy kinders verkleineer en met minagting behandel word en hoe hulle grondgebied bedreig  word. Wanneer mense die ellendes sien gebeur sal baie hulle hul aan God verbind, ons sal weer God se volk wees en Hy sal by ons woon. Alle groepe sal weer offers aan God bring.
8.    Die einde van ons ellendes is naby wees selfbeheers en nugter en bid oor alles. Hierdie is nie nuwe dinge van God af nie maar ou nuus wat ons al lankal weet. Die duisternis is aan die verby gaan en die ware lig skyn alreeds maar moet niemand haat nie want anders bly jy in die duisternis.
9.    God sal ons seёn met goeie reёns, moenie ophou om offers vir God aan te bied nie.
10.    Tog sal God weer sy trou laat blyk en sal ons selfs in die nagte sing en bid tot ere van Hom. Ons sal hom loof oor dit alles wat Hy gemaak het. “Die tyd is nou gereed, luister na My.” Ek kom julle land red, My hand is vol mag. Die slegte mense stel vir hulleself strikke deur hulle dade en optredes, die opregtes SAL die nood in die land ontkom.
11.  God gee aan ons geloofsgenesers wat siekes kan genees en duiwels kan uitdryf.  Vertrou op die Here en laat Sy wil geskied.  Luister na die wyse mense onder julle eerder as na dwase se gepraat wat tot vernietiging lei.  Bewaar die waarheid en wysheid in julle harte, laat dit julle gedagtes vul.
12.    Elkeen wat gewillig is om te luister moet hoor wat die Gees vir die mense in die land wil sê.... Luister, moenie jouself op die skouer klop nie, laat prysing aan iemand anders oor.... Julle kan van My enige iets vra, My deur staan oop..... Moenie bang wees om julle gawes te ontgin nie.

13.    As die wêreld teen ons staan en 'n magtige leër teen ons optrek, moet nie bang wees nie. Al sou hulle ons aanval, selfs dan, bly hoopvol. God stap oor die aarde in verontwaardiging oor dinge wat Hy aanskou, Die wêreld verval en verwerp Hom maar Hy sal die nasies vertrap in woede. Maar weet dat die tyd van die Here se goedheid sal kom, Hy sal oordeel. Geregtigheid bewaar Sy onberispelike kinders. 

14.    Leer julle jongmense om die regte pad te kies, en wanneer hulle eendag oud is, sal hulle nie daarvan afwyk nie. Juis op grond van hierdie geloof wat ons van ons ouers ontvang het en dit wat vir ons behoue bly laat ons positiewe getuienisse lewer vir geslagte wat volg. 

15.    As mense maar besef dat God Sy engele in stormwinde en Sy dienaars in vuurvlamme verander, sou hulle vrees gehad het vir Sy straf. .... Ons skuite sal leeg lê en ons land word oorgegee aan wrede ongevoelige mense, hierdie mense sal net doen wat hulle wil en niemand sal hulle kan keer nie. Hierdie boosheid sal oor 'n lang typerk oor en oor gebeur maar met al hierdie dinge wat plaasvind sal ons nogsteeds nie sien of hoor nie, ons sal blind en doof bly. Maar God sê: Hierdie wreedheid sal nie sonder straf bly nie, die leuenaars, plunderaars en moordenaars sal hulle straf nie vryspring nie. WEET dat hierdie slegte mense se woorde en dade teen hulleself gaan tel en dat hulle in hul eie strikke sal val.

16    Die Here die almagtige God sê: “Julle sal weer eendag kontrakte kan sluit en voorspoedig wees. Ons sal weer huise, grond en plase kan koop. Ons is nou in ‘n tyd waar verwagtings nie realiseer nie en dit lei tot mismoedigheid maar neem die gelowiges wat ons vooruitgegaan het as ‘n voorbeeld vir hulle geduld en swaarkry. Onthou die Here sorg vir die wat reg doen, en Hy luister na hulle gebede, Hy is teen kwaaddoeners en sal optree teen hulle. God wil inkom deur ons poorte, maak die deure oop vir ons roemryke Koning.
17.    Die magtige Here sê: Nasies hê groot ontsag vir My! Ek gee voorspoed. Maar wanneer teёspoed kom, onthou, Ek gee die een sowel as die ander sodat die mens nie sal weet wat met hom sal gebeur nie. Ons boom van voorspoed sal so groei en grootword dat almal oor die hele wêreld dit sal sien. Die mense wat die Here dien, die Here sal na julle luister en hoor wat julle sê. Die mense wat die Here met ontsag dien en met agting leef vir sy Naam sê die magtige Here voor: “die dag as Ek ingryp, sal julle my kosbare besittings wees. Ek sal sagkens met julle werk soos ‘n pa met sy kind.
18.    God sal rekenskap kom eis van elke persoon wat ellende op hierdie land bring daarom sê Hy dat die wat bloed op hul hande het, sal deur "vuur" verteer word, God sal WEER vrede bring. Suid-Afrika SAL bekeer en God aanneem en hulle sal getuig watse groot dinge Hy vir ons gedoen het. 

Die wat sarkastiese en neerhalende uitlatings oor ons God maak en wonder hoe Hy ‘n verskil kan maak en ons land tot verandering gaan bring, hierdie mense sal in bewondering staan hoe God ons gaan kom bevry en red.  Maar God vra: " Moet hierdie mense nie oordeel nie, onthou dat ons almal daar was, dat ons almal slawe van sonde en dwaasheid was, moet hulle nie oordeel nie, maar laat hulle toe om tot bekering te kom sodat hulle in die Gees kan groei, bid vir Suid-Afrika en bid vir elkeen wat nog in die donker beweeg".

19.    Mag God ons genadig wees, daar sal 'n tyd kom wat God ons land se lot gaan kom verander, almal sal juig en bly wees en die vreugde deel. God sal ‘n nuwe verbond met ons sluit en ons sal weer vrugbaar en voorspoedig wees. Niemand in die wêreld dra saam aan ons bitterheid en ellendes nie en so sal ons, ons vreugdes ook alleen dra. God het ‘n muur om ons gebou, waaruit dit voel of ons nooit gaan kan uitkom nie, Hy het swaar kettings om ons gehang, maar dink net aan God se grootheid: As Hy seewater kan laat saamkom soos ‘n dam en water op een plek kan opgaar dink net wat Hy alles vir ons kan doen as ons na Hom terugdraai en Sy bevele gehoorsaam, as ons na Hom luister, en Hom die eer gee vir alles.... dink net wat Hy vir ons kan doen.
20.    Weet waar jy skuiling kan vind, weet waar jy jou beskerming moet vra, Suid-Afrika sal weer oorwinningsliedere oor God sing.
21.    Al die mense in die land sal nog die verlossing sien wat van God gaan kom. Deur ons geloof sal God Sy beloftes aan ons kom vervul. Sy gedagte is alreeds gevestig en Sy woord gaan tot uitvoering kom God hoor hoe Sy kinders verkleineer en met minagting behandel word en dat mense in vrees leef oor hul grondgebied wat opgeёis kan word.  Die Here sê: “Die verbond wat Hy met ons sluit kan nie verbreek word nie”.  Hy wil Sy volk, Sy kinders en die staatsleiers kom red, op die ou einde sal die goddelose verpletter word en Hy sal hulle kaal stroop.
22.    God sal die een wees wat op die ou einde oorwinning gaan behaal en niemand sal julle kwaad kan aandoen as jy, jou beywer vir die goeie nie, God rig 'n waarskuwing: Wees versigtig om nie te oordeel nie".
23.    Moenie bang wees dat leed julle aangedoen sal word nie want Ek sal julle mag gee tot oorwinning omdat julle My kinders is.
24.    Die Allerheiligste stuur Sy engele om Sy kinders te beskerm. Weet waar jou hulp vandaan kom. 
25.    My guns sal op My kinders daal, Ek sal kusstreke gee vir julle as woonplekke, julle sal voorspoedig word en sal weer rustig kan slaap want Ek sal My ontferm oor My kinders. Ek sal My ook ontferm oor die kinderloses en hul harte verbly, prys die Here. 
26.    Ek sien die gelowiges se offers en Ek hoor julle gebede. Ek sal vir julle uitkoms bring. 
27.    Net soos wat aardse vaders hulle kinders straf, net so kom help God Sy ongehoorsame kinders reg wat Hy liefhet.
28.    Wanneer mense wegdwaal van God af word leuens en valsheid tweede natuur by hulle. Wanneer Ek ingryp sal die volk nie meer onreg doen nie, mense sal weer begin om net die waarheid te praat, uit jul monde sal daar geen valsheid meer kom nie. Ek sal sorg dat julle weer rus en vrede beleef. 
29.    PRETORIA (ons hoofstad wat misken word) -Hierdie stad se fondamente is op God gebou. Die mense van Pretoria wat God hul aanvoerder maak, kom nie in opstand, hits nie mense aan of stig oproer oor die behoud van hulle stad nie, inteendeel, hulle het ingesien om eerder die taak toe te vertrou aan God en die behoud tot uitvoering van alles aan Christus oor te laat en ook Hom te vertrou dat Sy tyd soos Hy bepaal om alles te verenig onder Hom sal geskied.  Bly al julle aandag aan gebed en die bediening gee en al voel dit of julle werk soos slawe, doen julle werk met lus asof jy dit vir die Here sou doen en nie vir mense nie. Onthou selfs die engele in die hemel aanbid Jesus, hoeveel temeer het julle Hom nie nodig nie. God sien raak hoe milderik hierdie stad omsien na armes, wat hulle doen, is reg en blywend, die stad verdien 'n hoë aansien. Maar God sien ook hoe die mense in hierdie stad tans platgeslaan is en die wat hard werk bekommerd is.  God herinner ons dat wysheid nie so ingewikkeld is soos wat mense dink nie en dit vra ook nie baie om iets blywends tot stand te bring nie en al die sondes wat ons doen: “Jesus sê bring dit na My toe dat Ek dit vir julle vergewe.” Die gelowiges staan sterk teen duisende aanvalle maar God sal Pretoria se heerskappy bestendig hou want Hy het dit beloof aan ons voorouers. Dit verseker Jesus vir ons: “Hy is die ingang van hierdie stad.” Vanweë ons geloof  en die gebede wat opgaan na Hom, het God hieroor bevestiging kom gee en elke offer wat opgaan na Hom, neem Hy aan. 
30.    God sal Sy kinders red. Hy verpleter die aanvoerder van die bose, Hy sal die goddelose van kop tot tone kaal stroop. 
31.    Hierdie SAL gebeur. Ons sal God prys en Sy Naam sal altyddeur geloof word in hierdie land. Die mense in die land sal nie meer onreg en leuens verkondig nie, geen valsheid sal meer uit hulle monde kom nie. Rus en vrede sal vir ons almal beskore wees. Duisende mense kry nou swaar maar julle moet net geduldig wees ons uitkoms is naby, God sal ons herstel nie langer laat wegbly as wat dit nodig is nie. 
32.    God weet dat daar leiers was en is wat slinkse planne beraam wat ons voorouers en ons volk tans baie pyn en lyding besorg (Ons gaan nou deur wat ons voorouers ook beleef het in ABO en ander vryheidsoorloë).
33.    Die opsweping van skares en onluste maak mense siek van bekommernis.  Onregverdige arrestasies sal mense platslaan.  MAAR God sal 'n vlag kom oprig tussen ons en SAL ons weer bymekaar bring, die Suid-Afrikaners wat verstrooi is oor die wêreld sal terugkom.
34.    Met goeie beplanning sal oorwinning kom, hoe meer raadgewers koppe bymekaar sit hoe beter is die uitkoms. Julle almal deel saam in God se onverdiende goedheid. As Hy praat, gebeur dinge; as Hy beveel gebeur dit. 
35.    So sal God, ook in die tye wat kom, bewys dat Hy heeltemal oorloop van onverdiende goedheid, die goedheid wat God ons deur Jesus Christus gee, sal as bewys dien. Deur Jesus wat alles wat goed is verdien sal my God uit Sy ontsaglike rykdom vir julle voorsien in elke behoefte wat julle het. 
36.    My kinders sal vir altyd bly voortbestaan, vir geslag na geslag sal julle daar wees. Die oortredings van My volk wat ek nog nie vergewe het nie, sal Ek vergewe. Ek die Here, sal Suid-Afrika My blyplek maak. Daarom, as mense julle met slinksheid en slimstreke op verkeerde paaie wil lei, sal julle nie soos klein kindertjies wees nie, julle sal standvastig en gehoorsaam wees. Julle sal nie omgewaai of weggewaai word deur winde wat Satan blaas om onstabiliteit en vrees te bring nie, julle sal sterk wees teen elke ding wat ongelowiges en ongeregtiges kwyt raak om My volk tot 'n val te probeer bring. 
37.    Raad van God aan mans: Behandel jou vrou met respek, leef saam met haar met die wete dat julle saam deel het aan die lewe wat God as geskenk gee. As jy haar respekvol behandel sal jou gebede nie blokkeer word nie. 1 Petr 3:7
38.    Te midde van ons sonde bring God bemoediging:  Suid-Afrika se stede se lig sal na ander nasies skyn, God sal ons land kom ophef en optel dat hooggeplaasdes en mense van aansien hulle skatte hierheen sal wil bring.

39.    Openbaring rondom Eugene Terre’blanche - Selfs korrupte mense kom tot bekering en word gedoop, maar wat moet ons doen in hierdie tye van beproewing? Die doel met die beproewings is om die egtheid van julle geloof duidelik te laat word. Julle geloof word getoets soos goud met vuur getoets en daardeur gesuiwer word, en onthou: Julle geloof is vir My baie kosbaarder as goud. As die toetse die egtheid van julle geloof uitwys, loop dit uit op lof en heerlikheid en eer op die dag wanneer Jesus Christus weer aan die wêreld geopenbaar sal word. God sê: “Eugene Terre’Blanche het geleef vir My en Ek sal julle seёn met nog sulke kinders in sy plek.” Die hele land het groot geskrik en almal wat hiervan gehoor het, het ook geskrik. Dit sal skemer word vir die slegte mense wat sonder enige respek optree voor die Here.
40.    As ons glo, sal ons offers aanneemlik vir God wees. God sal ons offers aanvaar as ons alles oorgee en ons geloof in Hom plaas dan sal Hy aan ons bevestig dat ons regverdig is en sal Hy Sy genade op ons bring. Word wakker en herstel wat nog oor is van die land, deur gebed en geloof, 'n land wat op die drumpel van die dood staan.

41.    ‘n Man van hoё afkoms (Prins William) sal koningskap bekom en ‘n goeie vrou kry, hy sal geluk vind. Hy geniet die goedheid van die Here. Die dinge wat Ek beplan, gaan nie nou dadelik gebeur nie. Stadig maar seker sal die tyd aanbreek. Daardie dag wanneer hierdie dinge waar word sal daar ‘n altaar vir die Here in die hart van ons land wees, en ‘n monument vir die Here by ons grense.
42.    Vrede sal weer tussen ons wees, ons land se mense sal in vrede met mekaar leef, geen oorlog en geen geweld. Julle sal leef om vrede na te streef.  Tot hiertoe het Ek julle genade betoon, Ek was nog altyd by julle.
43.    Die wat rein en suiwer leef in die Naam van Jesus, die wat bedrog en valsheid vermy sal deur My gemerk word en julle sal die Heilige Gees ontvang. Ek het My boog uitgehaal en My pyle gespan om My volk weer in besit te neem, almal sal weer voor My kom kniel.

Ekonomiese waarskuwing

EKONOMIESE WAARSKUWINGS

1.    Die ekonomie gaan baie verswak en baie mense gaan in skuld gedompel word, skuldeisers gaan ons kaalstroop. So sê God aan almal, self vir die Suid-Afrikaners wat in die buiteland sit geld hierdie woorde.
2.    Suid-Afrikaners wat verstrooid is oor die wêreld julle moet nie Jesus vergeet nie moenie van hom af wegdraai nie moenie ander godsdienste aanhang en al die afskuwelike dade wat hulle pleeg navolg nie. Al het julle weggetrek en selfs in die land waarin jy vandag woon sal die tyd vinnig nader kom dat almal in die skuld gaan wees, skuldeisers vir wie ons sidder sal skielik voor ons staan en ons kaalstroop.
3.    Skuldeisers sal skielik in woede reageer. Hulle sal op ons toesak terwyl ons hulpeloos is. Hulle sal alles buit wat ons besit. So wees gewaarsku moenie skuld maak nie. (Herhaal)
4.    Vir mense met blink opgevryfde voertuie dit sal ellendig vir julle wees om te woon en te bly in tente. Dit sal ons voorland wanneer skuldeisers skielik in woede reageer. Hulle sal op ons toesak terwyl ons bewend en hulpeloos is, hulle gaan geen genade toon om hul geld terug te kry nie. Hulle sal alles buit wat ons besit ons sal geteister word.

Politieke openbarings oor RSA

Politieke leiers

HIERDIE OPENBARINGS IS VANAF JANUARIE 2009 ONTVANG

1.    ‘n Man wat in die tronk was sal tot staatspresident verkies word. God gee aan hom rykdom, eer en besittings. Hy verryk homself. REEDS IN VERVULLING GEKOM maar hy sal dit nie vir lank geniet nie.   Leiers sal in die tronk opgesluit word en hulle sal hulle straf uitdien vir dit waaraan hulle skuldig bevind word.
2.    Leiers en ‘n staatspresident sal van hul trone gelig word. Sonder leiding en die regte raadgewers kom ‘n volk tot ‘n val.-  Nelson Mandela:  Was hy ‘n gelowige? want God was met hom. Hy het homself ook kom verryk, hy het vir homself ‘n baie hoë nes gebou. In sy termyn is ons land verontreinig met onsedelike wette en as gevolg van hierdie onsedelikheid, tref die onheil ons almal, ons huise bewe van angs. Dié groot, magtige man sal gelyk gemaak word maar ten spyte van sy dood sal mense hom nogsteeds eer.
3.    Die staatleiers spits hulle toe op toekomsvoorspellers (heksery en toordokters) en die ongelowiges vra windmakerig “Waar is julle God”. HIERDIE HET REEDS IN VERVULLING GEKOM Daar sal ‘n staatspresident kom wat ‘n bekeerde man sal wees wat deur God beheer sal word, ‘n gelowige, ‘n geseёnde, en alles is waardeloos vir hom in Jesus, hy sal ons land rig in die regte rigting.
4.    Na Mandela se dood sal onheil die land tref mense sal in hulle huise sit en sal vreesbevange wees. Van die een kant van die land tot die anderkant is vrees. HIERDIE HET IN VERVULLING GEKOM
5.    ‘n Staatspresident gaan woedend word vir sy raadgewers, hulle gaan nutteloos wees vir hom, hy gaan hulle tot niet maak of van ontslae raak.
6.    Ons sal oorgegee word onder die mag van ‘n harde regeerder, ‘n streng man, maar dit is die wil van God.
7.    ‘n Leier wat die land van ons verwoes het en wat bloed op sy hande het sal oneervol te sterwe kom, niemand sal sy naam in gedagtenis hou nie want hy sal as ‘n skurk bestempel word. Na aanleiding van hierdie gebeure sal daar baie vrees onder mense wees, ‘n gevoel van magteloosheid sal heers. Julle was so gelukkig in die posisies wat julle was. Wat het nou daarvan geword?
8.    Die wêreld sal verheug wees oor die einde van twee mense (leiers) wat vir ons soveel teistering veroorsaak het.
9.    God sal oorlog, hongersnood en pes onder ons loslaat totdat baie uitgeroei is. ‘n Staatspresident sal sterf en dan is die tyd gereed dat ‘n nuwe staatspresident oorwinning sal behaal. God sal vergelding vra van die regering vir die onregte aan die mensdom veroorsaak. God sal dan in hierdie land gedien word.
10.    Die tyd is gereed, daar sal leiers wees wat op vlug sal slaan, maar hulle sal gevang word.
11.    Jacob Zuma gaan baie vyande kry, hy gaan in onguns val maar die waarheid oor hom sal uitkom. Jacob Zuma het homself vir die wind afgesloof. Hy het geen respek vir sedelikheid nie hy gee ook glad nie om of die vrou wat hy wil hê aan iemand anders behoort nie. REEDS IN VERVULLING GEKOM Die leiers in die land vra nie na God om hulp nie. Maar mense sal nogsteeds hulle nie bekeer van hulle toordery, onsedelikhede of stelery nie. -
Die Staatspresident wat sterf ? -Die geluid van rouklag sal ver gehoor word. Verwoesting sal ons tref, baie sal die land verlaat en ons huise sal in puinhope verander.  Hy sal God se kerk fanaties vervolg en verwoesting saai. God sal sy planne verwesenlik, mense van die regering sal ‘n vergadering reël maar sal baie verward wees, hulle sal mekaar doodskree, hulle sal dit en dat skree, en van hulle sal nie eers weet waaroor die vergadering gaan nie (verwarring in die parlement).
12.    Daar sal wel ‘n tyd kom wanneer die gereg diewe sal inhaal, hulle sal kry wat hulle verdien vir hulle verdrukking en uitbuiting dit geld ook vir hoë amptenare, ministers en leiers.
13.    Ons regering se adviseurs is dwaas hulle raad vir die president is dom en verkeerd. Hulle spog oor hulle eie slimheid. IN VERVULLING GEKOM
14.    ‘n Staatspresident sal sterf. Daarna sal ons land in vrede leef, en sal daar vir ons volk goeie transformasie plaasvind
15.    Die staatspresident moet misdade verafsku. Sy regering moet hulle berus op regverdigheid.
16.    Die Staatspresident wat God se gesag gaan kom afdwing sal die land se mense regverdig oordeel en armes met geregtigheid hanteer. Hy sal die verdruktes met geregtigheid oordeel, behoeftiges red en verdrukkers verpletter. Regverdiges sal floreer tydens sy bewind en sal voorspoed in oorvloed ontvang tot aan die einde van sy tyd. Die armes sal hy verlos en lewens sal vir hom kosbaar wees. Mag hy lank leef!
22.    Aan alle mense en self aan die Staatspresident hoor wat God vir julle wil sê: “Klim van julle trone af. Trek julle rouklere aan en gaan sit op ‘n ashoop. Moenie glo wat mense vir julle sê nie. Moet hulle nie glo nie. Ek sal inderdaad self vir julle wys hoeveel julle vir My moet ly, kyk, Ek kom gou! Gelukkig is elkeen wat die profetiese woorde gehoorsaam.”

Waarskuwende Openbarings oor RSA

Indien ons land nie bekeer nie is hierdie die dinge wat ons gaan tref

1.    God gaan elke stut en steunpilaar, dit is die wat sorg vir brood en water verwyder.  Droogte sal die hele land teister geen reën sal val nie. Kos gaan min word.
2.    Ellende wag vir die wat hulle verryk ten koste van ander.  God gaan ons paaie versper en afkamp en ons planne sal nie tot uitvoering gebring kan word nie. Wat staan ons te doen wanneer die honger ons land tref? As ons, ons nie bekeer nie sal God ons maak tot iets slegs, buitelanders sal bang wees om hierheen te kom, ons mense sal verstrooi word oor die aarde en ons mense sal gebruik word as voorbeelde van vernedering, bespotting vervloeking en verkleinering.
3.    Aan die vrouens wat in leier en hoё posisies aangestel is , julle is veronderstel om wortel te skiet en goeie vrugte te dra, julle ken Jesus maar Hy is nie in julle harte nie. Julle gaan saam met die staatspresident baie bang word.
4.    God sal ‘n einde bring aan hierdie onsedelikheid. Aan die mense wat hierdie leefwyse volg, God gaan julle emosioneel laat swaar kry. Voor die dood van Nelson Mandela sal God eers Sy dienaars merk en hulle sal onder hewige druk gaan. Satan is los in ons land, maar die tyd is gereed.
5.    Aan die wat hulle skuldig maak aan wandade, hulle sal die vrug van hul eie dade pluk. God kla hulle en hul nakomeling aan.
6.    Oorlog is op hande.  Mense sal onskuldig  in tronke beland.
7.    As ons nie gehoor gee nie sal ons land verseker word soos ‘n veld vol dorings en soos verlate soutpanne. Die buitelanders sal buit maak op ons land, hulle sal instroom en ons land hulle sin maak.
8.    Die wat nie deel wil hê aan God nie sal vra hoe kan God mense behandel asof hulle visse is, asof hulle kruipende insekte sonder leiers is, julle sal kla oor die ellendes wat julle gaan tref, treur en huil, julle vrolikheid sal in rou verander en julle blydskap in droefheid. Pessiekte gaan ons land tref en baie mense sal sterf daarvan. Gelowiges sal baie moet verduur ter wille van hul geloof maar moet nie ophou om die evangelie te verkondig nie.
9.    Ons land gaan ook geteister word deur stortreёns en kragtige winde wat groot skades sal aanrig. Wie sal dit kan verstaan? Wie sal dit kan oorvertel? Hoekom gebeur al hierdie dinge in ons land, ons land sal ‘n plek word waar niemand heen wil kom nie. Ons voorouers het geloof gehad maar vir ons wag daar swaar tye van rowers wat ons land vernietig van die een kant tot die anderkant, nie mens of dier word met rus gelaat nie, daar is by alles wapens betrokke. Na Mandela se dood - Ons oeste sal niks oplewer nie. Satan sal probeer om baie mense te verlei maar in hierdie tyd van hongersnood, bedrieery en droogte sê God. Skuld sal ‘n groot kopseer word, moenie skuld maak nie.
10.    Ek het julle voorvaders voortdurend vermaan en gesê LUISTER NA MY! Julle wat in wegkruipplekke lê, agter bosse skuil en hulpelose mense in julle nette vastrek. As julle maar net weet wat Jesus vir julle alles kan doen, Hy kan julle siekes gesond maak en bose geeste uit jullle dryf, maar onheil gaan julle tref, julle sal julle huise afbreek en die stene gebruik om mure rondom julle te versterk.
11.    Julle omskep elke geleentheid in ‘n fees maar julle sal kos in ander lande gaan soek sê die Here die Almagtige. Weinig min goed sal nog oorbly in ons stede. Gelowiges hou julle kant skoon sodat niemand iets teen julle kan inbring nie.
12.    God gaan die mense wat deur Satan gebruik word om die ellendes op die land te bring nie oorsien nie. Ons gaan bewe van vrees as die onheil ons eers gaan tref. Wat maak julle? Die Here het ons nodig!
13.    Terwyl God se boodskappers sy Woord verkondig, slaap die ongelowiges lekker en bly hulle voorspoedig in hulle paleise maar eintlik moet julle huil want die dag van afrekening is naby, die wat God se voorskrifte nie nakom nie julle sal die gevolge dra van julle sonde.
14.    God is in staat om ons stede te verwoes hoekom verlang ons nie meer na Sy bepalings nie? Buitelanders is besig om ons rykdom en skatte te vat, ons eiendomme val in hulle hande omdat ons ander gode vereer en aanbid.
15.    Die hele land sal deur God se engele beskerm word, maar hulle bring ook pes en dood mee. Staan eerder op en volg Jesus! God gaan niemand verskoon of spaar nie as ons die keuse maak om God te verlaat is Hy in staat om ons almal uit te roei, om ons te verpletter, selfs vaders en kinders sal teen mekaar te staan kom.
16.    Waarom het die land te gronde gegaan? Waarom is dit verwoes? Die mense sloof hulle af net om kos op die tafel te kry maar die honger word nie stil nie. As julle maar net wil weet met watse passie God ons liefhet. Die volk sal vernietig word, ons sal slagoffers word van hongersnood en oorlog. Party mense sal geweldadig sterf en ander sal soos gevangenisse voel in vreemde lande, ons sal vertrap word deur heidennasies totdat ook die tyd daarvoor verby is.
17.    Soldate sal vreesbevange wees en baie mense sal doodgemaak word.
18.    Die plante langs ons riviere sal opdroog en wegwaai. Ons oeste sal wegdroog, alles sal verdwyn. Die einde van alles is naby. Mense sal vreesbevange word baie bang hulle knieë sal teen mekaar klap want skelms lê hinderlae om mense in die geheim te vermoor, hulle bly altyd op die uitkyk na onskuldige slagoffers.
19.    Julle sal as in plaas van kos eet, julle trane sal meng met wat julle drink. Onthou voor God kan abosluut niks weggesteek word nie. Ons staan kaalgestroop en weerloos voor die Een aan Wie ons verantwoording moet doen.
20.    Wees verstandig en tref voorsorg vir die onheil wat oppad is moenie oopoё soos ‘n onverstandige mens daarin vasloop nie en ‘n duur prys betaal nie. Daar kom opstand en die wie verantwoordelik is vir die opstand is baie verwaand. Christene wees gewaarsku moet nie skynheilig wees nie moenie bang wees om vir Jesus op te staan en jou sê te sê nie, as jy saam met ongelowiges is moenie bang wees om Jesus se Naam uit te leef nie.
21.    Die hele land is besig om te huil en te vergaan. Ons berge verwelk. Die vlaktes sal soos ‘n wildernis word en ons bome sal kaal staan, as ons nie luister na Jesus wat gestuur is na die afgedwaalde skape nie.
22.    Hierdie dinge wat God beplan, gaan nie nou dadelik gebeur nie. Stadig maar seker breek die tyd aan wanneer dit sal waar word. Ons landerye en plase word vernietig, dit word kaalgestroop en weggegooi. Ons sal bewe van vrees en die benoudheid sal om ons wees. Die Here hou sy hand oor die see. Hy skud die koninkryke van die aarde. Hy beveel watter vestingstede moet vernietig word.
23.    Die nasie se rykdom sal tot as verbrand. Julle werk so hard, maar dit is alles tevergeefs.
24.    Daar sal ‘n groot stryd in ons land wees. Net by God kan ek rustig wag want van Hom kom al my hoop. Wanneer Ek Suid-Afrika oorgee aan ‘n harde, wrede leier, ‘n streng man. Hulle sal vreesloos uit hinderlae op die onskuldiges skiet. Hulle spoor mekaar aan tot bose dade; in die geheim beplan hulle lokvalle. Hulle sal dink dat niemand dit ooit raaksien nie? Die doel met die beproewings is om die egtheid van julle geloof duidelik te laat word.
25.    Groot is die Here in Sion, hoog verhewe bokant al die volke. Ek sal die mure afbrand. Ek sal julle vestings vernietig. Hy wat vir altyd deur sy grote mag regeer. Sy oё is gerig op die nasies. Laat geen bekeerde homself verhef nie.
26.    Die dag wanneer God ingryp sal die mense so swak soos vroue wees. Hulle sal wegkruip van vrees wanneer die Here die Almagtige sy vuis teen hulle optel. Dit gaan nie nou dadelik gebeur nie maar stadig maar seker sal die tyd aanbreek wanneer hierdie dinge waar sal word.
27.    God sê: “Ek verseker julle, julle land sal dit op die oordeelsdag nie maklik hê nie.” God voel so omdat ons Hom na aan die hart lê, want Hy wil he ons moet bekeer.
28.    My volk, julle word op die dorsvloer vertrap en uitgewan. Min van julle mense sal oorbly, soos die olywe wat in die boom agterbly na die oes. Die wingerde en vyebome sal vernietig word. Die bome sal kaalgestroop en weggegooi word.”sê die Here. Die toorn van God is soos blitsende pyle en ‘n blinkende spies. Iemand wat verstandig is sien wanneer die onheil kom en vermy dit.
29.    Die wat God se waarskuwings verontagsaam is soos gras wat gou sal verlep. Soos plante wat vinnig sal verdroog.
30.    Daar sal vrees onder die dapperste mense heers en mense sal doodgemaak word. Daar sal mense wees wat Jesus sal uitlewer aan bespotting

REDE VIR DIE DROOGTE (GOD HET 2 UITGEWYS 2008-20011 SIN IS REEDS VERVUL DIE 2DE EEN GLO EK IS NOU - 2015- MET ONS)
 1.    God gaan elke stut en steunpilaar, dit is die wat sorg vir brood en water verwyder.  Droogte sal die hele land teister geen reën sal val nie. Kos gaan min word.
7.    As ons nie gehoor gee nie sal ons land verseker word soos ‘n veld vol dorings en soos verlate soutpanne.
9.   Ons oeste sal niks oplewer nie. Satan sal probeer om baie mense te verlei in hierdie tyd van hongersnood, bedrieery en droogte sê God.
18.    Die plante langs ons riviere sal opdroog en wegwaai. Ons oeste sal wegdroog, alles sal verdwyn.
21.    Die hele land is besig om te huil en te vergaan. Ons berge verwelk. Die vlaktes sal soos ‘n wildernis word en ons bome sal kaal staan, as ons nie luister na Jesus wat gestuur is na die afgedwaalde skape nie.
23.    Die nasie se rykdom sal tot as verbrand. Julle werk so hard, maar dit is alles tevergeefs.
29.    Die wat God se waarskuwings verontagsaam is soos gras wat gou sal verlep. Soos plante wat vinnig sal verdroog.

HOEKOM GAAN DIT MET RSA SOOS DIT GAAN

Sondes: Hoogmoedigheid, Verleiding, Openlik sonde, Geldmag, Ongeloof, Afgode

1.    Hoogmoedigheid.  Julle het hoogmoedig geword, julself verryk.  God weet dat die gelowiges gespot en verag word deur hooghartiges en hoogmoediges. Voorspoed verlei mense, en hoogmoedige mense kom nooit tot rus nie. Kyk na die hoogmoediges! Hulle vertrou op hulleself en hulle lewe is boos. Hou op kompiteer met hoogmoedigheid teen ander. Die nasie van ons ken net een wet, een trots en dit is hulle eie. Die wreedste mense bring Ek om mense se huise vir hulleself te vat. Hierdeur beёindig Ek die trotsheid van die sterkes. Hulle heiligdomme sal ontheilig word oor hul hoogmoed.
2.    Verleiding: Die land word geteister deur verleiding, misleiding, sonde, droefheid en morele duisternis. Almal het al van Jesus gehoor hoekom laat julle, julle onder kry deur Satan se verleidings en versoekings. Hoekom laat julle, julle verlei deur Satan, hy kom met baie slinkse planne en voorstelle na julle toe, hoekom staan julle nie sterk teen sy versoekings nie? Hoe kan julle so dwaas wees? Distansieer julleself van alle slegte gedrag. Van elke vorm van valsheid, van voorgee wat julle nie is nie en van jaloesie en alle kwaadpratery.
3.    Openlik sondig: Julle sondig openlik sonder om te blik of te bloos. Die sonde van die land is enorm groot. Hoekom praat julle sonde goed? Julle kwaadpraters word verag deur ander mense en die dwase wat alewig aan die knoei is, is julle nie bewus dat dit sonde is nie? Hy het gesê dat julle, julle koppe kaal moet skeer soos julle rou oor julle sondes, dat julle klere van sak moet dra om te wys julle het berou. Die sonde sal sodanig toeneem dat baie se liefde teenoor God sal afkoel. Ons is ‘n sondige klomp, met skuld belaai. Ons is kinders van kwaaddoeners, totaal en al korrup. God sê dat Hy gedink het dat ons Hom nou na alles sal eer en sal respekteer! Na al die tugtigings en beproewings wat ons al deur is sal ons nou Sy voorskrifte met erns begin beskou sodat dit nie vir Hom nodig hoef te wees om ons stede weer te tref nie! Maar die teendeel is eintlik waar, hoe swaar Hy ons ookal tref gaan ons net met ywer voort om verkeerde praktyke te beoefen. Die Here se verder: “Die mense van Suid-Afrika het keer op keer gesondig. Ek sal hulle nie langer ongestraf laat nie! Hulle ooreenkoms (geloftedag) het hulle nie nagekom nie. Moenie van die waarheid afdwaal nie en bring die terug wat afdraai hiervan af.
4.    Geldmag: Julle rykdom is al wat vir julle saak maak. En die mense wat net vir geld en rykdom leef, mag God julle gebede verhoor op die dag van nood en mag God julle beskerm. Satan probeer mense verlei deur rykdom, skatte, weelde en mag.  Ek is julle Vader en julle Meester, maar waar is die eer en respek wat My toekom? Aan mans en vrouens julle is dwaas as julle net aardse rykdom versamel, en nie ‘n ryk verhouding met God het nie. Mense is onbetroubaar, jong mense draai weg van God want rykdom is aanloklik.  Julle weet dat julle skuldig is. Wee julle wat deur onreg ryk word! Julle dink dat rykdom vir julle sekuriteit sal waarborg, dat julle families buite bereik van gevaar sal wees.  Dwaasheid wat net aardse rykdom versamel, en nie ‘n ryk verhouding met God het nie.  Almal wil soos konings leef. Ellende wag vir hom wat homself ten koste van ander verryk. Begeertes na alles wat jy sien is bloot ‘n gejaag na wind.  ‘n Mens se goedheid is prysenswaardig moenie ryk word deur ‘n bedrieëry nie. Die mensdom wil altyd net beter, groter, sterker, hoër, vinniger in plaas daarvan dat hulle, hulle moet ophou met die opgestane Jesus. Die wat net geld najaag jy sê: “Ek is ryk, ek het skatryk geword en het aan niks behoefte nie.” Jy besef nie dat jy ellendig en bejammerenswaardig is nie, eintlik is jy armlastig, blind en nakend.
5.    Ongeloof: Hoekom is daar mense wees wat in ongeloof staan en nie glo hoe God siekes genees nie. Mense is ongelowig en verlaat God se wette en loop agter ander gode. Waar is julle geloof. Dit is tyd dat julle moet begin besef dat die beproewings ter wille van Jesus is. Vir die wat nie glo nie ewige vernietiging is julle uiteinde, liggaamlike behoeftes is julle god en skandelike dinge is julle trots. Al waaraan julle dink, is die lewe hier op aarde. As jy nie glo nie, is dit onmoontlik om God tevrede te stel.
6.    Afgode: Waarom het die land te gronde gegaan? Omdat die land God se wette verlaat het en agter ander gode aangegaan het. Die nasie het God, die Almagtig verruil vir ander gode, gode wat nie kan help nie. Moenie afvallig word en ander gode dien nie, maar vra eerder God na sy wil. Julle sal verniet om hulp roep na julle gode en verniet offers bring aan hulle, die gode sal julle nie kan red nie.  Ongelowiges moenie luister na julle profete, besweerders, droomuitlêers, towenaars en goёlaars nie, hulle lei julle na die verkeerde gode toe.  God gee vir ons genoeg kanse om tot bekering te kom. Daar is mense wat glo dat ander gode ook reёn kan gee, Wat het gebeur met die gode? Het hulle julle kom bevry van julle ellendes? Gelowiges staan mekaar by en stuur iets om julle medegelowiges te help uit hulle nood. Angskrete sal weergalm as aanvallers skielik op julle toesak terwyl julle in julle huise is! Julle sal dinge sien wat vir julle onverstaanbaar is maar as die hele volk regtig ernstig is om na die Here terug te keer, moet julle ontslae raak van die vreemde gode en die beelde.  As julle besluit om net die Here te dien, sal Hy julle red van die onderdrukking. Daar is siek mense tussen ons maar hulle wend hulle na towenaars, voorspellers, strerrekykers en besweerders, maar hulle kan niks vir julle doen nie. God hou dit teen ons dat daar mense tussen ons woon wat afgode dien, daar is te veel mense tussen ons wat agter ander godsdienste aangaan en God is verstom oor wat julle doen. Hoe kon julle so gou julle rug op God draai? Op Hom wat julle deur Christus se goedheid na Hom toe geroep het! Julle het julle ore uitgeleen vir ‘n ander “Goeie Nuus.”  Niemand het die kennis en die begrip om te sê: “Die helfte van die hout het ek verbrand. Op die kole het ek brood gebak, ek het vleis gebraai en geëet. Hoe kan die res daarvan ‘n god wees? Moet ek dan voor ‘n stuk hout neerbuig en dit aanbid?  Daar is baie mense onder ons wat bose geeste in hulle het. God is bekommerd oor julle. God is verstom oor wat ons gedoen het. Hoe kon julle so gou julle rug op My draai? Op die Een wat julle deur goedheid geroep het!  Julle het julle ore uitgeleen vir ‘n ander .
7.    Geweld: Die goddelose skurke is voorbarig en vol van hulself, hulle vervolg hulpelose mense maar hulle sal gevang word deur die sluwe planne wat hulleself uitdink. Skurke lê op loer in wegkruipplekke, agter bosse en vang hulpelose mense en verpletter hulle. Dwase dink net aan geweld. Hulle praat net daaroor, en hoe om moeilikheid te maak. Eerlike opregte mense word vir geld verkoop en armes vir ‘n paar sandale. Die geweld van goddeloses sleur hulle mee. Hulle weier mos om te doen wat reg is.
8.    Verset: Die mense sweer teen God saam.  Verset teen God. Ons het van die Here af weggedraai.  Ons ouers het nie ag geslaan op U dade nie en het in verset gekom teen U, hulle het begin wegbeweeg van U af.   Die wêreld haat Jesus omdat Hy nie bang is om hulle aan te kla nie, Hy verklaar openlik dat hulle dade sleg is. Hy het deel van ons geword maar omdat ons Hom nie aanneem nie sal Hy ‘n ramp bring oor hulle waaraan hulle nie sal kan ontkom nie, die ongelowiges sal dan na God om hulp roep, maar Hy sal nie na hulle luister nie. Jesus vra dat ons na Hom toe moet kom, daar is so baie wie ‘n afkeur in Hom het, onderwerp jou in nederigheid voor Hom en Hy sal julle verhoog. Moenie God beproef nie, Hy weet wat Hy doen.  Daar is mense wat sê dat dit moeilik is om God te dien en dan trek julle ook nog julle neuse vir Hom op, Hy vra: “Is my erfenis dan so afstootlik soos ‘n bont roofvoёl wat ander roofvoёls aanval?
9.    Gereg: God sien die partydigheid in die regsuitsprake en dit tel teen hulle, hulle sondig openlik sonder om te blik of te bloos, ellende wag vir hierdie regslui en hulle gaan verdien wat na hulle kant toe kom. Ellende wag vir die wat hulle huise met onreg bou, wat die reg minag, wat mense sonder betaling laat werk.  Regverdiges spits julle toe op regte van die armes want die goddelose mense het geen begrip daarvoor nie.  Moenie die hulpeloses in hofsake tekort doen nie. Die Here sê: “Die mense van Suid- Afrika het keer op keer gesondig. Ek sal hulle nie langer ongestraf laat nie! Hulle het die reg verdraai. In die plek waar reg moet wees, is daar onreg. In die plek waar daar geregtigheid moes wees, is daar boosheid. God se volk word op die dorvloer vertrap en uitgewan. Daar waar ons woon, is die troon van Satan.
10.    Valse Christene: Daar’s mense onder ons wat voorgee dat hulle christene is en dit nie is nie, hulle word deur Satan mislei. Almal het afgedwaal selfs die christene hou hulle op met verkeerde dinge. Seuns en dogters, dit is nie vir God aanneemlik wat julle doen nie. Daar is christene onder julle wat dinge vertel wat nie strook met die waarheid nie, hoe kan jy wat ‘n christen is, ander dwing om hierdie valse verkondigings te glo en dan te leef in Christus? Daarom sê ek met God se gesag. Moenie langer soos nie-Christene lewe nie. Baie vals profete en messiasse wat tekens en wonders doen en christene mislei. Gelowiges moenie dink jy is beter as ander omdat jy die dinge van die Gees verstaan nie! Moenie so selfvoldaan wees nie! God het klaar besluit. Niemand sal oorgesien word nie.  Christene, julle bring onrein goed na Sy altaar en bied dit as offers aan en verwag dat Hy tevrede moet wees met dit wat julle bring.
11.    Valse Leerstellings: Kerke moet die waarheid aan die mense verkondig. God het sy wysheid deur die kerk bekend laat word, raak betrokke by ‘n kerk. Geesdrif sonder kennis help niks nie. Daar is soveel onder ons wat mag kry van die prins van die bose en wat ook bose geeste uitdryf  wees versigtig vir hierdie dwaalleer en pasop vir die wat ywerig werk saam met christene wat nie goeie bedoelings het nie hulle wil net gesien word. Daar is baie vals profete en messiasse wat tekens en wonders doen en selfs christene so mislei. God se profete tree roekeloos en troueloos op, leraars is nie toegewyd aan die voorskrifte van God nie, hulle ontheilig sy Woord en doen die wet van die Here geweld aan. Van die profete is verwaande leuenaars wat net hulle eie voordeel soek en sommige predikante en pastore verontreinig die kerk en oortree God se voorskifte . Vir baie mense gaan dit net oor die uiterlike dinge, soos om gedoop te word, ouers wat hulle kinders doop maar nie verder God se voorskifte navolg nie of mense laat hulle grootdoop want hulle wil die regte indruk maak, mense trou in die kerk sodat hulle nie oor die kruis van Christus vervolg word nie en het dan nooit weer ‘n verhouding met Hom nie, maar die Here sorg vir die wat reg doen en Hy luister na hulle gebede. Daar rus ‘n vloek op die bedrieёrs wat beloof om te gee vir God, (goedere, geskenke, tiendes) en dan is dit stukkend of waardeloos.
12.    Minag: Jesus word deur julle afkeur.  Wat het geword van die mense wat die boodskap van God uitgedra het?  Daar word met groot hartseer gesê daar is baie wie se lewe wys dat hulle vyande van die kruis van Christus is. Mense is bang om openlik oor Hom te praat uit vrees vir ander mense. Julle optrede vind Ek nie gepas in My teenwoordigheid nie. Onthou dat Jesus baie groter erkenning verdien as enige iemand op aarde.  Ons het Suid-Afrika se Heilige Een geminag en ons self van sy hulp afgesny. 
13.    Ongehoorsaamheid. God het gepraat, maar wie luister, Hy het geroep, maar wie antwoord Hom. Sondae word keer op keer verkondig dat Jesus die Seun van God is, begin dit glo, begin leef daarvolgens, beywer jou daarvoor dat jy saam met Hom in daardie rus kan ingaan. En moenie die ongelowiges se voorbeeld volg van ongehoorsaamheid en saam met hulle omkom nie.  Vervloek is elkeen wat ongehoorsaam is aan die bepalings van God se verbond. Ongehoorsaamheid vernietig die sondaar en die land. Gehoorsaam God as Hy praat en opdragte gee. Volg eerder die pad van God se gebooie, sodat Hy ons begrip kan verbreed.
14.    Vertroue: Dit is so maklik om op die uiterlike dinge te vertrou, waar’s julle vertroue hoekom slaan julle op vlug? Het Ek nie julle voorouers gered en opgetel omdata almal op Hom vertrou het nie? Kyk na die hoogmoediges! Hulle vertrou op hulleself en hulle lewe is boos.
15.    Moord: Die land is vol moord die stede verdraai die reg. Julle dink Ek sien nie die dinge raak nie. Vervloek is die wie hulle broers se bloed op hulle hande het, julle word deur God verban van die grond waarop hierdie bloed geval het. Julle wat mense aanval en onskuldige mense doodmaak.  Hoekom is daar mense onder ons wat onskuldige mense ontvoer en uitlewer aan hulle genade of doodmaak?
16.    Wetties: Ons is besig om weer terug te val in wettiese gebruike. God is bly oor die mense wat die hele tyd aan Hom dink maar dan is daar mense wat ander wil dwing om wette (sakramente) te gebruik, vir hulle gaan dit net om uiterlike dinge om die regte indruk te maak sodat hulle nie oor die kruis van Christus vervolg sal word nie. Die Here spreek julle aan. Dis bekend dat gelowiges onder mekaar ligsinnig optree en mekaar spot oor sienswyses, julle tree hovaardig en aanmatigend op.  Julle optrede ken geen perke nie. (Die gebooie wat op die Christelike lewe vandag betrekking het, is op ‘n hoër vlak as die OT wette, omdat dit die eerbiediging van die beginsels van goddelike liefde vereis, eerder as die wettiese navolging van sekere gedragspatrone. Ongelukkig is daar Christene wat nie hierdie oorgang na die nuwe bedeling wil maak nie en wat terugval  om die wette te onderhou en verstaan hulle nie dat ons nie onder die wet is nie, maar onder God se genade, en dat “Christus die einde is van die wet tot geregtigheid vir elkeen wat glo” (Rom. 6:14; 10:4)Die oningeligte Christene wil terug beweeg na die OT wette, omdat dit volgens hulle die samevatting van God se opdragte is. Hulle gaan selfs verder en eerbiedig ook seremoniële wette soos die OT sabbat en Joodse feeste, ten spyte daarvan dat hierdie feeste almal in Christus vervul is en dus in die huidige bedeling uitgedien geraak het (Kol. 2:16-17; Gal. 4:9-11) Alle verwysings na die gebooie van God in die Nuwe Testament vloei slegs uit een basiese gebod voort, en dit is om mekaar lief te hê  - 1 Tim. 1:5-11).
17.    Mag: Die nasie jaag net mag na, maar dit sal nag word vir hierdie maghebbers. Satan verlei die mense met magsbehebheid maar as ons vir God luister sal ons met rus gelaat word. Hulle is magshonger met monde wat groot oop is soos die dood. Niemand kom tot besinning en dink ‘n bietjie nie.
18.    Kwaaddoeners: Die wat daarop uit is om kwaad te doen, julle wat rebellie tussen mense veroosaak, julle sal nie oor die hoof gesien word nie. Daar is te veel moeilikheidmakers wat na kwaadwillige woorde luister en te veel leuenaars wat aandag gee aan bedrieglike idees. Die kwaad wat ons aan ander doen sal na ons self gedraai word. Daar is mense wat net aan geweld dink. Hulle praat net daaroor, en hoe om moeilikheid te maak.
19.    Oordeel:  Hoekom sien julle net die slegte in ander mense raak, begin eerder om die slegte dinge in jouself te soek.  Om voorspoed in die stad te beleef moet ons dit opreg prys en seën, daar is te veel goddeloses wat die stad verdoem deur hulle woorde. Moenie bly wees oor jou vyande se struikel en val nie moenie jou hieroor verheug nie. Waarom laat U my die onreg en die ellende om my sien? Waar ek ook al kyk, sien ek vernietiging en geweld. Ek is omring deur mense wat daarvan hou om te stry en te baklei.   Die wie God se kinders verkleineer en beledig is verwaand en hulle sal kry wat hulle toekom. Sê die magtige Here. Ek is ontsteld oor die goddeloses wat My gebooie verwerp want die wat heilig wil lewe en dikwels vas, sê julle is van die duiwel besete. Julle maak ‘n bespotting van leiers en lag regeerders uit, al die vestings minag julle, alles minag julle.
20.    Seksueel: Stede en dorpe julle pleeg seksuele sondes en loop agter liggaamlike begeertes aan julle word gewaarsku. Daar is hoere op ons strate en op die stede se pleine, by elke hoek staan hulle en loer rond. Die mooi en sedelose vrou, is die oorsaak van ons ellendes, sy wat guns wen met haar betowering, wat ons volk verslaaf met haar onsedelikheid en families met haar toorkuns.  Ons volg hulle onsedelike bedrywe na. Maar wees gewaarsku teen die geheimsinnige vrou: “Die groot hoer van babilon, die moeder van die ontugtiges en haar losbandighede op die aarde. Wyse kinders maak hulle ouers gelukkig maar die een wat hom ophou met prostitute is ‘n dwaas wat sy geld mors, jy bring ‘n skande op jou ouers. Die onsedelike vrou het pers en bloedrooi klere aan en is getooi met goud, kosbare stene en pêrels. In haar hand het sy ‘n goue beker gevul met vieslikhede en die onrein dinge van haar ontugtigheid.
21.    Plesier: God is kwaad oor wat die mense in stede aanvang. Dink bietjie aan die woorde wat die Here gesê het: Maar daar is teveel mense wat net agter plesier alleen aanloop, dronk partytjies,  julle sal arm word en die wie al hulle geld net uitgee op wyn en lekker kos, sal nooit ryk word nie. Julle wil net te doen hê met kos en drank en dinge wat net die uiterlike raak.

Sondes: Geweld, Verset teen God, Gereg, Valse Christene, Valse leerstellings, Minagting van God

My laaste woorde oor engele

God het alles geskape vir Sy Seun Jesus

Paulus waarsku sy lesers in Kol. 2:18 teen engele-verering!...“Moenie dat iemand wat behae skep in danige nederigheid en in die aanbidding van engele en wat voorgee dat hy allerhande visioene gesien het, julle daarmee mislei nie.  So iemand verhef hom oor wat hy in eiewaan van homself dink”.

Oor die algemeen is die Westerse kerke meer wantrouig teenoor engele terwyl die Oosters-Ortodokse kerke afbeeldings meer geredelik aanvaar en die werking van engele verstaan. Dit is en bly ‘n baie moeilike taak om die Gereformeerdes en Hervormdes te oorreed van die werking van bo-natuurlike magte van God omdat die persepsie heers dat hierdie wêreld van die bose is en dat Christene nie hierby betrokke moet raak nie.  Maar as hierdie wêreld oop gaan voor God se kinders sal ons lewe soveel makliker wees as ons kan verstaan hoe God hierdie wesens gebruik om ons lewe makliker en veiliger te maak.

Wat ‘n moeilike taak vir engele om ons pad oop te hou vir die bereiking van die saligheid sodat elke mens deur die genade van God beskerm kan word sonder dat ons bewus is daarvan maar eendag wanneer ons, ons lewe gaan sluit saam met hierdie wesens sal ons na die stories kan luister hoe hulle ons beskerm het, ons sal kan verstaan hoekom die dinge gebeur het wat ons nie uitklarings voor kon gekry het op Aarde nie.  En dit net omdat God elkeen van ons liefhet, omdat dit Sy doel is om ons lewe vol plesier, liefde, geluk, voorspoed, welvaart en hoop te bring.

‘n Mens kan nie engele identifeseer aan spesifike hirargiese groepe deur hoe hulle lyk of wat hulle take is wat hulle verrig nie.  Seker groepe engele lyk dieselfde terwyl sommiges weer vlerke het, ander groot of klein is, sommiges dra wapens,stawwe of beuels terwyl ander weer net gewoon is, hierdie verskille bepaal nie defnitief hulle hirargiese orde nie, maar jy kry wel engele wat net tot ‘n sekere orde behoort.  Ons kry so vir Migael wat ‘n aardsengel is maar wat aan die hoof staan van al die engele selfs die Gerubs.  God gebruik, aardsengele, gewone engele, gerubs ensovoorts as Magte ook, alhoewel Magte engele se taak is om te verdedig en te beskerm. Die hirargie bepaal net hulle werkinge of take soos wat ons op Aarde ook val onder bepaalde hirargiese strukture m.a.w ‘n Kaptein kan dien as ‘n voorsitter, hierdie taak is nie spesifiek uitgesonder vir ‘n Generaal nie.
Ek dank my Vader dat Hy my in Sy vertroue geneem het om hierdie openbarings te kon verwoord en dat ek by magte is om dit met julle te kon deel.

Dis hoe engele werk

Hier volg ‘n simboliese voorstelling wat God vir my kom gee het sodat ek die werking van engele beter kan verstaan. 
Die vrou engel wys weer dat ek moet kyk in die rigting wat sy wys. 
Troon engele: Wolke trek weg en drie engele staan voor ons met vlerke, hulle kleed is wit met ‘n donker gordel vasgetrek.  Hulle hare is donker en agtertoe “gekam” al drie van hulle lyk identies.  Hierdie engele se oë gloei bloedrooi soos die een wat by die troon gestaan het, dis Troon engele.  Jesus stap na hulle en groet elkeen met die hand, sy liefde vir hulle is baie groot, ek kan dit sien deur die manier wat Hy met hulle gesels.  En hulle het op hulle beurt die grootste respek en bewondering vir Hom.  Elke engel hou ‘n ronde swart bal vas omtrent die grootte van ‘n “templin bowling” bal, dit lyk of die balle van ‘n tipe gesteente gemaak is. 
As die wolke voor ons wegskuif loop ons saam in ‘n oostelike rigting in.

Heerskappy engele: ‘n Heerskappy engel wag vir ons.  Hy is geklee soos die vorige een, kan nie sê of dit dieselfde een is nie maar ek sien nou defnitief ‘n kroon op sy kop. Jesus loop hom tegemoet en hulle staan eers ‘n rukkie en gesels voordat Jesus na die drie Troon engele wys wat by my staan.  Die engel kom na ons toe aangestap en gaan staan voor die eerste Troon engel wat op sy beurt die swart bal aan die Heerskappy engel oorhandig, as die Heerskappy engel dit oorvat verander die bal in sy hand na ‘n ligte geel/goue blink helder lig, ‘n bal wat terselfde tyd sonstralend is, lyk soos ‘n tipe van ‘n albaster, hy loop met die bal en verdwyn agter ‘n mistige wolk.  As hy terugkom luister hy wat die tweede Troon engel te sê het, vat die bal en doen dieselfde oor en so ook by die derde Troon engel.  Die Troon engele groet en stap in die rigting vanwaar ons gekom het. 
Ek word nou geblinddoek en my mantel se kappie word oor my kop getrek.  Al wat ek kan sien is dat ek agter die Heerskappy engel loop en dat Jesus links van hom loop. Ons loop so vir ‘n hele ent waar ek net my voete op ‘n marmervloer kan sien wat met mistigheid bedek word. As ons tot stilstand kom los Jesus my alleen en so wag ek vir ‘n hele rukkie voordat ek een van die kindergrootte engele by my bene sien, hy loer, loer so onder deur na my gesig. Ek voel dat hy my hand vat en my lei, die blinddoek is so dat ek kan sien ons stap verby drie pilare. As die blinddoek afgehaal word hou die klein engel nogsteeds my hand vas en skat ek die pilare omtrent so 1meter hoog, met die drie kristal balle op.  Nuwe engele het nou by ons aangesluit en die Heerskappy engel gaan voor hulle staan, dan begin hulle sing, weereens kan ek nie hoor wat gesing word nie maar my vel voel die lieflike klanke aan wat uit hul monde kom, my maag kry vlinders en rustigheid spoel oor my.  Ek hou hulle dop en wens so uit my diepste wese dat ek kon saam sing, ek beleef elke hoë noot wat gesing word met hoendervleis maar tog kan ek nie dit hoor nie. God kom bederf my om hierdie saam met Jesus mee te kan maak, ‘n spesiale oomblik wat ons kan deel tot ere van Hom.  Jesus geniet hierdie sang uit Sy binneste, Hy gooi Sy hande omhoog en sing met tye saam.  Een van die engele sing alleen maar die passie waaarmee hy dit doen laat rillings oor my spoel ek beleef dat uitsonderlike hoë note geraak word en dat die Heilige Gees ook sterk teenwoordig is. Ek besef nou dat engele ook met talente geskape is en as hulle klaar gesing het stap hulle in ‘n rustige, ontspanne luim weg.

Owerheid engele: Elke aand word ek terug gebring na hierdie plek langs die pilare, my gedagtes hardloop rond, is asof ek nie kan fokus nie. Probleme, emosionele wroegings, alledaagse bekommernisse en vrese bly net my gedagtes vul. Moedeloos kom ek elke keer terug na die werklikheid en is teleurgesteld omdat dit vir my voel ek het nie volle kontak behou in die Gees nie, my gedagtes het net elke keer in sirkels rond gehardloop. Ten einde laaste begin dit tot my deurskemer dat dit juis God se doel is met hierdie openbaring om my te laat verstaan hoe Hy Sy engele gebruik om ons te help in alles, van die hoog geplaastes tot die gewone engele. 
Jesus stap vorentoe en oorhandig een van die balle op die pilare aan die Heilige Gees, nog een aan my bewaarengel en die laaste een neem Hy in Sy hande.  Elke keer wanneer Hy die bal oorhandig staan Hy eers en gesels vir lang rukke met hulle.  ‘n Heerskappy engel stap voor ons uit as ons loop na die plek waar die massa engele vergader het. As ons daar aankom vat Jesus die bal uit die Heilige Gees se hande uit en maak dit een met die bal in Sy hand.  Hy doen ook dieselfde met my engel se bal sodat Hy met een groot bal in Sy hande staan en oorhandig die enorme groot bal aan die Heerskappy engel waar hy intussen sy staan gemaak het voor ‘n groepie engele wat bygekom het, Owerhede engele. Die groot bal word opgebreek in sy hande en elke Owerheid engel kry ‘n deel daarvan, in hulle hande staan hulle elkeen nou met ‘n klein balletjie so groot soos ‘n krieket bal, nogsteeds helder geel, goue kleurige kristal/albaster balle. 
En dan staan ek in my kamer met Jesus en die Owerheid engele om my bed, nege van hulle. Jesus vra: “Skryf neer dit wat jou op hierdie oomblik wroeg, dit wat jou gedagtes so besig hou”.  Soos wat ek elke probleem op papier neerpen so verander ‘n bal in ‘n engel se hand in ‘n ander kleur.  Nege probleme vir nege engele met nege kleure, ek’s verstom. 
Ek sit so met die probleme in my hand en vra vir Jesus: “Maar U moet die probleme oplos, ek kan nie verstaan hoe engele hierdie probleme namens U gaan kan hanteer nie? Nog nooit het ek gedink dat hulle die wesens is wat dit hanteer nie, was nog altyd onder die indruk dat hulle net daar is vir beskerming”.  Jesus kniel voor my en antwoord: “Jy bring jou probleme na My toe, jy kom vra My om jou te help, dis My werk om die engele opdragte te gee, Ek sal sorg dat hulle weet die hoe, wat, waar en wanneer”.
Ek is so onmenslik lief vir hierdie Man voor my, Hy verstaan my so goed en Hy openbaar alles op ‘n vlak wat my brein kan inneem en kan verstaan.  Op so unieke simboliese wyse kom verduidelikheid Hy aan my hoe die engele werk.

Krag engele: Dan is ons terug by die denkbeeldige lyn en een van die kosmiese krag engele kom uit die miswolke gestap.  Jesus is vir ‘n oomblik net so groot soos die engel maar as hy sy hand na ons toe uithou om op te klim is Jesus weer mensgrootte.  Hy vat ons tot by die Jesus beeld in Rio de Jenero en laat ons op een van die beeld se uitgestrekte arms sit.  Dis ‘n besige straat wat ek onder ons sien maar ‘n pragtige plek, mense is gelukkig, gesellig en vrolik, terwyl ek nog die vroeë nag lewe bewonder vat die engel ons en stap met ons oor die stad na die see toe waar hy ons neersit op rotse.  Die engel sit hier langs ons op die berg met sy voete op die strand, hy buk vorentoe en roer die water van die see, geweldige golwe ontstaan en ek vrees dat as hierdie golwe die land moet bereik kan dit groot skade aanrig, maar hy keer met sy ander hand dat die golwe nie land toe moet gaan nie en breek dan weer die golwe dat dit kalm en rustig word.  Hy staan op en stap ver weg van ons af tot op die horison, as hy so staan besef ek dat hy vir iets wag.  En dan sien ek dit, instinktief het hy dit voel kom, die nabyheid van die bose.  In die Suide kom donderweer aan en net so groot demoon soos die engel kom daaruit gestap, hy steek ook ‘n fakkel aan en kom asof sy missie is om die engel en ons te vernietig.  Die engel het nou ‘n swaard in sy hand en hy beskerm nie net homself nie maar ook vir Jesus.  Die geveg duur nie lank nie, die engel kry vinnig die oorhand en slaan die vuurfakkel uit die demoon se hand uit, as die demoon ontwapen is slaan hy dadelik op vlug. Alles het so vinnig gebeur maar hierdeur kon ek ‘n idee kry van watse uitmuntende vegengele hierdie engele is, alleen is hulle nie net oor die natuur en kosmos aangestel nie maar ook vir verdediging.  Hy staan weer hier voor ons en vat ons terug hemel toe waar hy ons neersit by die denkbeeldige lyn.
Ek, Jesus, die Heilige Gees, my bewaarengel en die groot engel staan in ‘n lyn langs mekaar op die plek waar die pilare vroeër was en die Owerhede engele kom in gestap met die gekleurde balle in elkeen se hand. Maar nou het elkeen ook ‘n staf in hulle hande en is nogsteeds in wit geklee met ‘n donker gordel om die middel.  Jesus vat elkeen se bal uit hul hand en plaas dit in die groot engel se hand. As hy dit doen besef ek dat hierdie groot engel ‘n Krag engel is omdat hy die volgende lyn in die hirargiese orde vul.
Ons almal volg hierdie engel met die balle nogsteeds in sy hand tot ons weer in die tuin kom, saam bring Jesus my terug na my kamer toe.  Jesus vra dat ek die lys van probleme met ons Vader moet bespreek, God sal die engel taak om die probleme op te los, hy is by magte om dit te doen in opdrag van God. Die geheim is jy moet net vra, as jy nie vra nie kry jy nie, en tree die engele nie op.  Hulle staan en wag om ons tot diens te wees die oomblik wanneer jy vir God vra.

OPSOMMING:

•    Jy kom praat met God oor jou probleme, die Troonengele is in die onmiddellike teenwoordigheid van God. Elke probleem wat jy het word aan hulle opgedra, hulle is God se steunpilare.
•    Hulle gee die probleme oor en sien toe dat alles vlot verloop en oorhandig en deel take uit aan die Heerskappy engele wat opdragte tot die fynste detail uitvoer.
•    En op hulle beurt Owerhede engele taak om ons by te staan, wat elke probleem identifiseer en daarvolgens handel.
•    En as hulle hierdie oorhandig aan die Krag engele kan ek verstaan hoekom hierdie engele gesien word as die werkesels van die Hemel, hulle is uitstekende vegters, bewaar en beskerm die kosmos, nie net is hulle aangestel om oor die natuur te waak en te beheer nie maar ook is hulle daar om ons te beskerm en te dien.

Engele hou boek

Engele hou boek van goed en kwaad

As ons die einde van die “tonnel” bereik wys die engel met haar linkerhand uitgestrek waarheen ek moet kyk.  Die wolke trek stadig weg en voor ons staan ‘n engel met vlerke, hy is geklee in ‘n wit kleed wat baie geplooi is.  Sy hare is dik en lank en krullerig, baie mooi.  Wil vir my voorkom of daar ‘n kroon op sy kop is en volgens die beskrywing wat ek het van hulle is dit ‘n Heerskappy engel. Hy hou ‘n dik swart boek voor sy bors vas.  Jesus loop na hom toe en saam loop hulle na ‘n podium toe.  Hy plaas die boek op die podium en Jesus wys dat ek moet nader kom.  Ek sien my naam in die boek, alles, maar soos alles wat ek al in my lewe verkeerd gedoen het, my sondes, my verkeerde besluite, elke liewe ding wat ek verkeerd gedoen het is in hierdie boek opgeteken, vandat ek ‘n kind is. 
‘n Ander Heerskappy engel kom nader gestap, hy lyk presies soos die vorige een net met die verskil dat hy ‘n wit boek in sy hande vashou.  Hy maak ook die boek op die podium oop by my naam.  Hier is alles opgeteken wat ek goed en reg gedoen het, regte keuses en al my goeie dade wat ek verrig het. 

Tweede openbaring oor vroulike Engele

Vroulike engele

Die laaste engel van die groep wat agter die denkbeeldige lyn gestaan het stap Jesus tegemoet.  As Hy my aan die engel bekendstel is ek verbaas hoe baie die engel na ‘n vrou lyk.  Ek kan my oë nie van haar afhou nie want ek het nog altyd geglo dat daar net manlike engele is.  Een ding tel ek dadelik op en dit is dat sy nie borste soos ons vrouens hier op Aarde het nie.  Haar kleed loop geplooi oor haar bors, haar hare is dik en los gevleg na agter toe tot laag in haar nek.  As sy omdraai wag nog ‘n verrassing op my, sy nooi my om oor die denkbeeldige lyn te loop. Ek laat nie op my wag nie en trap vinnig oor die lyn en plaas my hand in hare. Hierdie deel was vir so lank vir my verbode en nou staan ek saam met ‘n vroulike engel agter die lyn.  Met soveel opgewondenheid wat in my borrel loop ons die paadjie op.  Wolke omhul my sig dat ek net die dele kan sien waarop ons loop.  Die lig wat om ons vou is skitterblink lyk soos sagte blink stofdeeltjies, is nie stof nie, dis reinheid, skoonheid en helderheid wat weerspieël word.  Ek kyk weer na haar ek moet seker maak of ek reg sien, sy is beslis ‘n vrou prewel ek vir myself.  Sy het ook nie vlerke maar ek glo dat daar van hulle is wat vlerke sal hê.  Dan sien ek dat hier ‘n paar van die kindergrootte engele voor ons inloop.  Die paadjie waarin ons loop laat my dink aan die beskrywing wat mense gee as hulle ‘n doodse ervaring het, die lig in die tonnel ervaring.  Dis asof ek van een dimensie van die Hemel na ‘n ander een beweeg.  Dan sluit Jesus by ons aan, my liefling Jesus dis darem die wonderlikste gevoel denkbaar om Hom te sien, Sy teenwoordigheid bring innerlike vrede, die oomblik as Hy Homself openbaar helder my lewe op, maak nie saak in wie anders se teenwoordigheid ek is nie. Hy bly my Koning, my Prins, my God, my liefde.


In hierdie spesiale oomblik word ek omring deur ‘n God wat my met geweldige liefde behandel, ek word omring deur ‘n wese wat ek nooit gedink het bestaan nie en ek staan in ‘n deel van die Hemel wat ek angstig op wag om te ondek, ek voel soos ‘n ondekkingsreisiger in ‘n nuwe Geestesdimensie.
 

Tweede aanval op Engele

Tweede openbaring oor aanval op engele

Ek sit saam met Jesus by die waterfontein en wag, ek weet nooit wat op ons wag of wat die volgende openbaring gaan wees nie, stap vir stap, aand na aand bring God openbarings wat soos ‘n legkaart inmekaar inpas.  En dan staan die engel hier voor ons, ek sien net sy wit kleed wat met ‘n goue gordel vasgetrek is, hierdie een se gesig, van sy skouers boontoe is verbloem, wonder partymaal hoekom daar sommige engele se gesigte nie vir my sigbaar is nie.  Hy stap met ons na die plek by die dam, op dieselfde plek waar die geveg teen demone plaasgevind het.  Hierdie moet ‘n grensdeel van die Hemel wees, dink ek. (Onthou dat Satan en sy demone uitgeskop is, so hulle probeer nogsteeds tot einde van dae om God te onttroon en om terug te kom die Hemel in).  Die engel en Jesus stap alleen vorentoe sodat hulle ‘n beter uitsig oor die gebied kan kry, die engel lig sy vlerke dat ek nie sy kop of gesig van agter af kan sien nie.  Dan roep Jesus my nader en vir ‘n baie lang ruk staar ons net oor die vlaktes en wag. Jesus begin stap na die dam toe met my en my bewaarengel kort op Sy hakke.  Die ander engel het agter gebly en kyk ons agterna.  As ons by die dam verby loop voel ek sommer lus om net in te duik en te swem, die water is helder skoon, elke klippie kan op die bodem gesien word dit lyk soos skitterblink swembadwater met die mooiste visse wat rondswem.  As ek opkyk om te sien waarheen ons stap sien ek ‘n engel op ‘n perd vir ons wag.  Jesus stap alleen hom tegemoet, as Jesus by hom aansluit klim hy van sy perd af en buig eerbiedig voor Hom neer.  Hulle staan vir ‘n lang ruk en gesels voordat ons begin terugstap na die eerste engel toe. Lank staan ons net en wag en kyk oor die vlaktes.  Dan kom die ruiter engel weer aangery maar hierdie keer volg ‘n skare engele hom, ek skat hulle omtrent so tweehonderd, almal op perde.  Hulle maak hulle staan voor die dam en kyk na ‘n noordelike rigting.  Die hoofengel tree uit die groep uit gevolg deur nog drie ander engele, wat ek vermoed elkeen oorhoofs oor vyftig engele is.  Dan sien ek weer die swart massa demone uit die noorde nader kom maar hierdie keer is hulle duisende, maklik tweeduisend van hulle. As hulle tot stilstand gekom het tree daar omtrent so twaalf na sestien leierdemone na vore. 

Die hoofengel klim van sy perd af, klap sy perd op die boud dat hy weg gallop en die ander engele volg sy voorbeeld. So staan hulle, elkeen met ‘n swaard in die hand en wag vir die demone om aan te val. Krag engele sak een, een agter die Magte engele neer, ses van hulle.  Ek wag angstig vir die aanval om te begin maar is skrikkerig want ek sien dat Satan en van sy travante intussen by die demone aangesluit het, ver Noord-wes staan hulle op ‘n koppie, Satan is nou ook so groot soos een van die Krag engel, hy troon bo die ander uit en ‘n trotsheid omhul sy wese, elkeen van hierdie demone staan met uitdagende houdings, geen vrees of twyfel nie.  Dan storm die demone op perde, ek druk my gesig teen Jesus se skouer, ek voel vreesbevange is bang om te sien wat hier gaan afspeel maar weet ook instinktief dat ek moet kyk anders sal ek nooit weet wat God vir my hierdeur wil kom wys nie. As ek my kop optel trek ek myself net stywer teen Jesus en weet hier is ek veilig en weereens breek ‘n harde geveg uit tussen die twee groepe.  Die engele gebruik elmboë, knieë en self vuiste om die oorhand oor die demone te kry. Sommige demone sping van hul perde af terwyl ander hul perde gebruik om ‘n beter aanslag op die engele te kan kry.  Vreesloos baklei elke engel teen ‘n magdom van demone. Hierdie keer laat die Heilige Gees my die betekenis sien van die swaarde in die engele se hande. Hulle steek glad nie die demone raak nie, dis asof hulle die swaarde gebruik as ‘n kragbron en nie as ‘n aanvalswapen nie.  As die engel die swaard voor sy liggaam inbring en die demoon daarmee afweer is dit soos krag van die engel wat een word met die swaard.  Die twee is onafskeidbaar van mekaar, dis soos ‘n verlengingsbron van krag wat aan die engele gegee is. En dieselfde gebeur met die vuurfakkels waarmee die demone baklei, dis hulle bron van krag, hulle krag is een met die vuur, dis vuur teen staal.

Satan staan nader en die Krag engele gaan maak hul staan aan die voorkant van die geveg, met ander woorde hulle staan tussen die geveg en Satan. Satan loop op en af en skree soos ‘n brullende leeu maar hy kom glad nie nader nie, hy weet dat hy nie teen hierdie engele sy staan sal kan maak nie en dit maak hom woedend.  Die demone is besig om terug te val en hardloop verby die Krag engele se bene asof hulle nie eens bestaan nie, hulle kan hierdie groot engele niks aandoen nie, soos klein miere teen ‘n boom vertoon die demone teenoor hierdie magtige wesens. Selfs die demone se perde volg hulle terug vanwaar hulle gekom het.
God het hierdeur vir my kom wys dat hierdie gevegte wat uitbreek tussen hulle nie gaan oor om mekaar te vernietig nie maar dit gaan uitsluitlik vir die demone om krag en mag te wys.  Soos vroeër genoem sal hulle altyd probeer om terug te eis wat hulle eens gehad het.

Veg (Magte) Engele, oorlog in die Geesteswêreld

Veg of Magte engele

Die vierde engel van die groep ontmoet ons en ons stap na die plek waar die massa engele vergader het. Jesus wys my om na die horison te kyk.  Ek sien vier engele op perde nader gery kom: wit, swart, bruin en grys perde.  Hierdie is die eerste groep engele wat ek sien wat nie in wit geklee is nie.  Hulle is geklee in ‘n koningsblou kleed met kort moue, bruin leer stewels, bruin leer armbeskermers en helmets op soos die wat jy gekry het in die ou Romeinse tydperk maar nie heeltemal dieselfde nie, die beeld rondom hulle gesigte was vaag.  Borsharnasse, ‘n skild en ‘n swaard. Hierdie engele het nie vlerke nie.  Een engel kom na my toe gery en wys dat ek moet opklim.  Die engel steur hom nie aan my menslike vrese of wonder praatjies nie en die volgende oomblik is ek saam met hom op ‘n gallop terug vanwaar hulle gekom het.  Hierdie perde is baie groter as die wat ons op Aarde het.  Ons is op ‘n stewige gallop deur groen gras na ‘n dam in die verte tot op ‘n bult waar my bewaarengel en die vierde engel vir ons wag.  Die ruiters ry afwaarts na die dam toe en verdwyn in die suide.  Dan roep Jesus my nader om by Hom te kom staan.  As ek weer opkyk sien ek hoe hierdie vier ruiters met volle vaart terug gery kom verby ons in ‘n noordelike rigting.  Ek sien hoe hulle aansluit by ander engelruiters wat ook soos hulle geklee is en ‘n pad vir hulle oopmaak sodat hulle kan deurry tot voor.  Ek staar met afwagting na die toneel voor my, die engele is besig om in ‘n lang verdedigingslyn hulleself gereed te kry, instinktief weet ek dat hier ‘n aanval op hulle gedoen gaan word.

En dan sien ek ook waarvoor hulle gereed maak, in die verte op die noordelike horison kom ‘n angswekkende skaduwee aangesluip, dis demone, ook op perde.  Almal in swart geklee met kappies oor hul koppe getrek en met oë wat bloedrooi gloei.  As die demone hulle fakkels aansteek ry die leier van die engele vorentoe en ontmoet die leier van die demone.  As hulle klaar gepraat het draai elkeen om en ry terug na hulle groepe toe.  Die engel gesels met een van die vier wat my hierheen gebring het, wat op sy beurt na ons toe aangery kom.  Hy doen verslag aan die engel wat by ons staan, waarop hy hulle beveel wat om te doen. Kry so die gevoel dat hierdie al amper roetine by hulle is, hulle ken al, al die taktiek van die demone, weet presies wat die demone se volgende skuif gaan wees, is net elke keer verdediging wat hulle toepas op onsuksesvolle aanvalle.  As ek met my menslike verstand na die prentjie voor my kyk wonder ek hoe hierdie engele die aanval sal kan afweer, hulle is ‘n handjie van so vyftig teen ‘n menigte van ± tweehonderd demone.  Die demone kom met gevaarlike wapens wat groot skade kan aanrig.  Maar dan dink ek by myself, hierdie engele sowel as die demone is onsterflik, wat sal die rede wees dat daar nog aanvalle op die Hemel geloods word? Ek verstaan nou hoekom daar engele is wat met swaarde rondebeweeg en wat op strategiese plekke en op die grense van die Hemel geplaas word. 
Die engele val glad nie aan nie, hulle verdedig net hul grens en grondgebied.  En dan kom die demone aan, die engele beweeg vorentoe en as hulle ontmoet breek ‘n hewige geveg uit.  Elke engel staan sy man, die vuur waarmee die demone aanval is hulle kragbron maar die engele trek nie terug nie.  Die hoofaanvoerder van die engele word van sy perd afgestamp met ‘n vuurfakkel maar soos hy grond toe gaan kry hy ‘n houvas op die demoon en met sy sterk hande slinger hy hom van sy perd af, hy pen hom teen die grond vas en kry die oorhand maar onder die gestoei kry die demoon homself losgewikkel en vat die hasepad.  Elke engel veg omtrent teen drie na vier demone.  Die engelmag is te sterk en die demone besef dat hulle aan die verloor is en besluit om terug te val.  As alles oor is stap die leier van die engele terug na sy perd toe, wat ‘n hele ent verder staan, ek kan sien dat sy liggaam gebrand is. Ek wonder by myself of hulle enige pyn kan voel soos wat ons dit voel? Jesus antwoord my gedagtes met: “Moenie bekommerd wees nie, hulle ervaar geen pyn of lyding nie”.

Ek kyk Jesus aan met ‘n diep frons op my gesig, ek het soveel vrae, daar is soveel wat ek nie verstaan nie. My eerste vraag aan Hom kom asof Hy dit verwag het.
Ek verstaan nie hoekom die demone eers probeer om die Hemel aan te val nie, hulle is dan vir soveel eeue al uitgeskop maar nogsteeds probeer hulle terugkom, hoekom?
Jesus antwoord: “Die dag toe die demone uitgewerp is uit die hemel het hulle meer as net die hemel prysgegee.  Goddelike wysheid, kennis en insig ontbreek nou by hulle.  Die wysheid wat hulle nou weergee is beperk tot wêreldse wysheid van hoogmoed en edelheid en dit sal nooit by hulle insink dat hulle ‘n verlore stryd voer nie. Haat en wraak het die plek kom inneem van Goddelike wysheid.  Hulle is soos donkies wat gelei word, vir hulle gaan dit net oor mag, gesag en hulleself.   Die Hemel is ‘n plek waar hulle in vrede en gemak geleef het. Dis ‘n plek van skoonheid, prag, lieflike glans en glorie.  Daar waar hulle nou is, die hel en Aarde, is nie waar hulle wil wees nie, dis nie wat hulle soek nie.  Hulle wil met alle geweld terug hê wat hulle verloor het en hulle sal nooit ophou om te probeer nie. Tot met die oordeelsdag sal hulle aanhou om te probeer om God se Koningheerskappy oor te vat, nie net op Aarde nie maar ook hier in die Hemel”.  

Die oorwinning is nog nie volkome oor die demone behaal nie, Christus het die bose oorwin maar ons is nog nie heeltemal verlos van hulle nie. Hulle is nog nie finaal vernietig nie, tot daardie laaste oomblik sal hulle nooit bres gee nie.  Hulle doelwit is nog steeds om die outoriteit en posisie van God oor te neem omdat hulle aanbid wil word, Satan wil op die troon van God sit, dis hoekom hy in die eerste plek teen God in opstand gekom het en hy en sy travante sal tot op die einde toe veg om beheer hieroor te kry.

Tweede openbaring oor Kinder engele

Kindergrootte Engele

As ek nog so in verwondering staan vou die engel met vlerke my en Jesus daarin toe, hy staan voor ons en sy vlerke omhul ons totaal en al. Ek het geen uitsig nie behalwe die bors van die engel waarteen ek gedruk word.  Dan tree hy weg en sprei sy vlerk uit sodat my beeld nogsteeds versper is maar al wat ek nou kan sien is dat daar ‘n doenigheid agter sy rug aan die gang is.  Ek’s nuuskierig en probeer die vlerk van die engel wegdruk en in ‘n speelse manier gryp hy my en ons verloor vir ‘n oomblik onsself in ‘n prettige gestoeiery, hy begin my kielie en stoei dat ek my uit my skoene wil giggel.  Oegh nee, kannie meer nie, probeer so tussen die gestoei om die engel ook hier en daar by te kom maar heelaas hy’s glad nie kielierig nie.  As ons opkom het hy my kop in ‘n armklem beet en borsel hy my hare met sy vuis.  Dan word ek bewus van Jesus wat glimlaggend ons dophou: “As julle klaar is kan ons aangaan” sê Hy.  Ek druk my hare reg, trek my mantel reguit en gaan staan langs Jesus. Nou is my aandag gefokus op dit wat God vir my wil kom wys. 
Agter die engel staan so ± twintig kindergrootte engele.   As ek afsak kom een nader en Jesus laat toe dat een by Hom ook kom staan, die ander staan nader.  Almal het krullerige hare, almal is manlik, almal is in wit geklee en almal het een paar vlerke.  Hulle is soos kinders maar tog ook volwasse. 

Ek vra vir Jesus wat doen hierdie engele?  Een steek sy arms na my toe uit, ek tel hom op en ons drie kom dan te staan in ‘n kinderkamer.  Die engel klim op die kind se bed, trek die kombers op en vertroos die kindjie wat hartseer is.  Dan is ons op ‘n plek waar ‘n piekie voor ons met sy rug na ons toe op ‘n stoel sit.  Die engel loop na hom toe waar hy besig is om uit die Bybel te lees en sit sy arm om die piekie se skouers om hom te bemoedig.  Dan is ons in ‘n bos, ‘n vrou loop rond maar sy is baie naïef en kinderlik, sy leef in ‘n wêreld van kinderlike eenvoud, haar verstand is nie volwasse nie.  Hierdie engele is daar vir sulke mense, kinders, klein mensies en mense wat vir ewig in hulle kindwees vasgevang is. Maar tog bederf God ons ander ook om hierdie engele te kan sien of om so bevoorreg te kan wees om deur hulle beskerm te word.  Daar het al so baie getuienisse opgekom van gelowiges wat hierdie kindergrootte engele al beleef het. Was vir my voorwaar ‘n belewenis en ‘n voorreg dat God hulle aan my openbaar het.