EINDTYDVOORSPELLINGS (PROFESIEë) OOR GOD SE OORDEEL

Alles wat die Aarde tref gebeur op bevel van God en dat die dag

wanneer Hy kom inderdaad ‘n verskriklike dag sal wees

Openbaring 14

• Die engel het hard geskree en gesê: “Julle moet vir God respekteer, want Hy gaan nou die mense oordeel!

• Die engel het sy sekel oor die aarde geswaai en hy het die druiwetrosse afgesny. Hy het dit in die groot parskuip gegooi. Die parskuip beteken dat God baie kwaad is vir die mense en dat Hy hulle baie swaar sal straf. Die parskuip was buite die stad, en die engel het die druiwe in die parskuip getrap. Die bloed het by die parskuip uitgevloei. Dit was so diep dat dit tot by die perde se tome gevloei het. Die bloed het 1 600 stadioi ver gevloei- oorlog (‘n Bloedige geveg)

2 Petrus 3 (Wat sal gebeur wanneer die Here weer kom)

• Die Here weet wat almal op die aarde gedoen het en Hy sal hulle oordeel.

Jesaja 66 (Die nuwe hemel en nuwe aarde staan in God se diens, die nuwe Israel sal volkome aan God toegewy wees).

• Al die mense sal elke Nuwemaan-fees en elke Sabbatdag kom om voor My te buig. Wanneer hulle weer uit die stad gaan, dan sal hulle die lyke sien van die mense wat opstandig was teen My. Die wurms sal aanhou om die lyke te vreet, en die vuur sal aanhou om hulle te brand. Almal wat hulle sien, sal bewe en bang wees.” (In teenstelling met die vreugde van die wat die Here dien wag daar rampspoed op die wat ver van Hom geleef het).

Jeremia 30 (Net nog ‘n bewys hoe woedend sonde God maak)

• Die Here sal ’n stormwind stuur, daar sal ’n wind kom wat almal sal saamsleep,  en dit sal waai oor die mense wat verkeerd doen. Die Here is kwaad, en Hy sal aanhou om kwaad te wees totdat Hy gedoen het wat Hy besluit het. Julle sal dit later goed verstaan

Joël 2

• Die Here roep hard uit terwyl Hy hulle lei. Hulle is sy magtige leër en gehoorsaam sy bevele. Die Dag van die Here is iets angswekkends, iets verskrikliks. Wie kan dit oorleef? (Alles wat die Aarde tref gebeur op bevel van God en dat die dag wanneer Hy kom inderdaad ‘n verskriklike dag sal wees).

Joël 3

• Ek sal julle straf oor alles wat julle met my volk gedoen het. Ek sal julle seuns en dogters verkoop aan die mense van Juda, en hulle sal julle seuns en dogters verkoop aan die mense van Skeba, die volk wat ver van hier woon.” (Die het reeds gebeur, ‘n bewys dat Joël se profesieë waar gekom het, so neem die ander in ag)