My keel trek eweskielik toe van vrees, my hart klop woes in my borskas, ek is so bang dat ek nie kan beweeg nie. Alhoewel Jesus langs my staan voel ek baie verlate en vreesbevange. Ek wil so graag agter Sy rug gaan staan om weg te kom van hierdie gevoel van doodsbenoudheid maar Hy het al oor die verwoeste pad begin stap en wag vir my aan die anderkant. Baie versigtig en benoud stap ek ook die pad oor en as ek anderkant kom wys Hy dat ek moet opkyk.
Spierwit duiwe kom oorgevlieg en volg die pad van die perde. Jesus stap weer die pad terug maar ek skud my kop en wys Hom dat daar nie ‘n manier is wat ek weer oor hierdie pad gaan stap nie. Dis asof ek in ‘n nagmerrie vasgevang is. Die dood lê vir my en wag op hierdie pad dit voel vir my of Satan net onder die grond is en wag om my onder toe te trek die oomblik as ek my voete daarop gaan sit. Ek skraap tog my moed bymekaar en stap baie stadig die pad oor. Jesus sit sy arm om my as ek by Hom aansluit en soos ons terug loop deur die mielies gee Hy die betekenis hiervan.
WAT BETEKEN DIT ALLES: Alles wat platgemaak word in die middel van die stad en wat met mielielande vervang word beteken dat die stad en die platteland gaan lei onder dieselfde ellende, niemand gaan oorgesien word nie. Die perde wat in volle vaart is, is oorlog wat ‘n verwoestende pad in ons land gaan laat. Die wit duiwe is vrede as die oorlog verby is wag daar vir ons vrede in die land. Satan gaan die dryfveer wees agter die oorlog dit gaan sy toedoen wees dat hierdie land gedompel gaan word hierin, mense gaan in ontsaglike vrees leef en hierdie benoudheid gaan ons twee maal tref.
Geen opmerkings nie:
Plaas 'n opmerking