Oorstromings 4/11/11

Ek en Jesus stap in donkerte (wat onsekere, moeilike tye voorspel) deur vlak water en dan begin die water opstoot. Ons is later heeltemal ver onder die water, Jesus trek my nader en hou my vas as die strome sterker oor ons beweeg. Meubelstukke, karwrakke en dooie diere swiep by ons verby. Hierdie oorstromings is veral in Pretoria area baie erg.

God kom waarsku ons altyd voordat sulke goed gebeur sodat ons, ons geestelik hierop kan voorberei en nou al kan begin bid vir Sy beskerming MAAR julle sien die bemoedigings wat Hy vir ons elke week kom gee. Hy beloof dat dinge vir ons gaan kom verander en so beloof Hy ook hier dat Hy alles weer vir ons nuut sal kom maak. Staan sterk in hierdie beproewing/tugtiging, moenie ophou bid vir beskerming en genade nie en Hy sal ons hierdeur ook kom help.