Mynstakings •Rustenburg •Lonmin

Wanneer die mens se gewone sekuriteite onder hom begin wegkalwe word hulle vatbaar vir die boodskap van die Here. Die tonnel van moedeloosheid word dan die poort tot nuwe lewe.

Vandat ons al hierdie dinge oor julle gehoor het, bid ons aanmekaar vir julle.  Ons vra dat God vir julle al die kennis sal gee wat julle nodig het om reg te leef.  Mag die Heilige Gees julle duidelik wys hoe julle moet leef.  Dan behoort julle mos nie te twyfel oor wat presies God van julle wil hê nie.  En as julle weet wat om te doen en dit doen, sal die Here trots wees op julle en tevrede voel oor hoe julle leef.  Mag alles wat julle doen vir julle goeie vrugte dra en julle meer van God se plan vir julle lewe laat verstaan.  God is die Een wat oor Goddelike mag beskik.  Mag Sy krag julle krag word sodat julle glad nie ongeduldig word en begin moed verloor nie.  Nee, staan vas en hou moed!  Kol 1:9-11

15 Dae se vasting het God die volgende gegee om met julle te deel. Hy het die sonde, die beproewing, die bemoediging en herstel vir die toekoms gebring. 

• Dag 1: Jer 13:11 Soos 'n gordel stewig vas is om die lyf van 'n man, so het Ek al die mense van Israel en Juda aan My vasgemaak, se die Here. Hulle MOES my volk wees, hulle MOES lewe tot my roem en eer en 'n sieraad vir My wees, maar hulle het nie geluister nie. ...... SONDE

• Dag 2: Hab 1:8 Hulle perde is vinniger as luiperds, vuriger as honger wolwe. Hulle ruiters kom aan op 'n galop, hulle kom van ver af, hulle vlieg soos arende wat op hulle prooi neerskiet. ... SONDE (Hierdie mense wat die moeilikheid veroorsaak het steur hulle net aan hulle eie verowering. Niemand sal kan staande bly teen hulle nie, julle klagtes sal nie die probleem oplos nie maar net vererger. Hierdie dwase mense verafgod hulleself, hulle ken My nie.) God het hierdie toegelaat om te gebeur.

• Dag 3: Gal 3:10 Maar almal wat staat maak op die onderhouding van die wet, val onder die vloek, want daar staan geskrywe: "Daar rus 'n vloek op elkeen wat nie stiptelik alles doen wat in die boek van die wet geskrywe staan nie." .... SONDE (Hierdeur wil God vir ons sê dat mense glo dat hulle hul getrouheid bring deur aan wette te kleef en nie deur aan die Here se maatstaf nie. As jou gesteldheid voor God dus moet afhang van hoe goed jy wette onderhou, is jy tot die ewige dood gedoem. Net Christus kan jou loskoop van die vloek van die wet en jou geloof is vir jou 'n bewys dat Hy dit gedoen het.)... God se hand druk swaar op ons land omdat daar 'n skrikwekkende, skokkende toename mense terug beweeg na die ou wettiese gebruike en Jesus heeltemal uit hul evangelie haal.

• Dag 4: Hoekom raak julle nie stil voor My nie, hoekom leer julle nie My Woord ken nie, hoekom lees en bestudeer julle nie die Bybel nie. In Mat 4:4 kan ons sien dat Jesus die Bybel ken en dat Hy dit gebruik om Satan van Hom af weg te stuur. As dit vir Jesus nodig was om die Woord te ken hoeveel te meer is dit nie nodig vir julle nie. Kom word stil voor My en gesels met My, laat ons vriendskap en liefde vir mekaar so groei, kom leer My ken uit die Woord uit! ..... SONDE.

• Dag 5: Hos 2:11 Ek gaan haar wingerde en haar vyebome verwoes, die dinge waarvan sy sê: "Dit is my beloning wat my minnaars my gee vir my dienste." Ek gaan dit 'n boskasie maak en die wilde diere sal dit opvreet. .... SONDE (Rampe en ellendes moet gesien word as middele waardeur God met ons werk. Daardeur wil Hy ons tot besinning bring, wil Hy hê dat ons ons lewens opnuut in oënskou neem. Solank dit goed gaan met die mens is hy geneig om God te "vergeet", sy dinge te doen soos hy wil sonder om te dink oor God se betrokkenheid daarin. Dis wanneer die mense se gewone sekuriteite onder hom begin wegkalwe dat hulle vatbaar word vir die boodskap van die Here. Die tonnel van moedeloosheid word dan die poort tot nuwe lewe.

• Dag 6: Hab 3:11 Toe U vlieënde pyle blits en U blink spies flikker, het die son en die maan gaan stilstaan op hulle plek. .....OPBOUING (God tree aktief toe tot die stryd, met sy wapens gereed vir die oorlog. God tree toe tot die chaos wat dreig om ons land te oorweldig. God self sal teen dit optree, dit sal nie stand hou nie) - Dankie Vader maar mag U toetrede spoedig geskied.

• Dag 7: Gal 4:7 Jy is dus nie meer 'n slaaf nie; jy is nou 'n kind van God. en omdat jy Sy kind is, het God jou ook Sy erfgenaam gemaak. ....OPBOUING (Ons as mense is nie in staat om wette te kan onderhou nie want ons oortree en as ons leef om in God se goeie boekies te kom net deur moets en moenies faal ons gruwelik. Ons is nie slawe wat godsdienstige reëls moet volg om vryspraak te kry nie. Christus is die enigste een wat die wet vervolmaak het, Hy kom gee hierdie vryheid aan ons. Jy behoort aan God, Jy is Sy erfgenaam, moet dat niemand jou beroof van dit nie)

• Dag 8: Ps 78:6 Sodat die volgende geslag dit kan weet en die kinders wat nog gebore sal word, dit weer aan hulle kinders kan vertel .....OPBOUING (Wanneer God herstel vir elkeen van Sy kinders gaan kom bring moet die mense dit aan hulle kinders vertel, geslag na geslag sodat elke geslag in staat gestel kan word om aan God gehoorsaam te wees en op Hom te hoop. Moenie dat ons kinders dieselfde foute as ons en ons voorgeslagte maak nie.)

• Dag 9: Jes 19:7 Die waterplante langs die Nyl by die Nylmond. Alles wat langs die Nyl gesaai is, sal verdroog, dit sal wegwaai en verdwyn. OPBOUING (Die mense wat die ellende veroorsaak het sal tevergeefs planne maak, hulle sit nou en slinkse planne uitdink maar God is in beheer en sal sorg dat hulle bose planne sal opdroog en dit wat hulle wil saai SAL  wegwaai en verdwyn)

• Dag 10: Job 21:4 My klag is nie teen mense nie. Waarom mag ek dan nie ongeduldig word nie? .... OPBOUING (God verstaan dat beproewings moeilik is, Hy verstaan dat ons kla oor ons lot, Hy verstaan ons ongeduld. Slegte dinge gebeur ook met goeie mense maar God kyk na ons harte. Al is jou ellende net so erg soos Job sin moet jy altyd onthou dat jou reaksie daarop duidelik aantoon wat jou gesindheid teenoor God is. Moenie kwaad word nie want God bly in beheer en hou aan om op Hom te vertrou hoe swaar jou omstandighede ook al mag wees.)

• Dag 11: Hab 2:6 Dieselfde volke sal spotliedjies oor hom sing en met minagting na hom verwys. Hulle sal sê: Ellende wag vir hom wat hom verryk met goed wat nie syne is nie, wat vir hom al meer goed inpalm wat verpand is. Hoe lank sal dit nog voortduur? ..... (Die mense wat hierdie ellende gebring het is vermetel, hulle wil hulself verhef, hulle optredes is onaanvaarbaar, hulle is magshonger en dit sal hulle einde beteken. Van dit wat in Rustenburg aangaan is die vraag aan watter kant skaar jy jou? Is jy deel van die sondige mensdom wat hulle teen God en Sy heerskappy verhef? Dan stuur jy af op ondergang! OF is jy God se kind wat onwrikbaar op Hom vertrou as alle sekuriteit rondom jou intuimel? Dan sal jy leef!!!

• Dag 12: Mal 2:10 Ons het tog almal een Vader, ons is tog deur een God geskep! Waarom is die een dan ontrou aan die ander en ontwy hulle die verbond van God met ons voorvaders? SONDE .... (Gebroke verhoudings met God en met ander. Wees getrou aan mekaar. Dis belangrik om 'n verhouding met God te hê vir gesonde verhouding met jou geliefdes en medemens.)

• Dag 13: Lev 13:5 Op die sewende dag moet die priester die persoon weer ondersoek. As daar na die priester se mening geen verandering ingetree het nie en die ontsteking het nie versprei in die vel nie, moet hy die persoon nog 'n week afsonder. HERSTEL ..... (Laat ons Hoë Priester Jesus jou ondersoek, hoe gaan Hy jou vind? Sal daar verandering wees in jou na jou ellende, gaan daar verbetering intree en gaan Hy jou kans gee om volkome te herstel. Het jy afsondering nodig om te besin? Het jy tyd nodig om te besef waaroor al hierdie dinge met jou gebeur?. Laat God toe om jou te kom ondersoek en gesond te maak. Liggaam, siel en Gees.)

• Dag 14: Job 17:10 Al kom julle almal elke keer weer terug, kry ek nie een onder julle wat verstandig is nie. OPBOUING .... (Ken jy regtig jou vriende, waar is hulle in jou swaarkry. Is jou vriende wys en vol Goddelike insig. Wyse vriende sal weet dat wysheid van God af kom en hulle sal nie van Hom afdwaal nie. Hulle sal jou versterk, help en optel in jou ellende, kies vriende verstandig.)

• Dag 15: Gal 1:19 Van die ander apostels het ek niemand ontmoet nie behalwe Jakobus die broer van die Here. OPBOUING .... (Paulus het nie een van Jesus se dissipels geken nie behalwe Jakobus wat hy ontmoet het, maw Paulus het niks geleer by mense of dissipels van Jesus nie dit wat hy geleer en verkondig het, het alles suiwer van God gekom. Die Heilig Gees was Paulus se leermeester. Wie leer jou die dinge van die Gees, wie bring vir jou wysheid, kennis en insig. Hoe gaan jy staande bly in hierdie ellende met dit wat God jou geleer het. Of gaan jy in hierdie tyd van swaarkry kyk na wat ander se siening is. Moenie jou hoop vestig op geleerdes, predikers of ander gelowiges nie maar vestig dit suiwer op wat God JOU GELEER HET EN WAT GOD VAN JOU VERWAG, so sal jy die toekoms kan ingaan met hoop, blydskap en goeie verwagtinge!!!)

Wat ‘n ramp of ellende is kan omgeskep word in hoop en goeie verwagtinge vir die toekoms as mense net hulle hande hou in Jesus Christus sin. Voor elke mens lê daar nou ‘n nuwe pad om te stap, voor elkeen staan ‘n deur wat wag om oop gemaak te word, nuwe beginne, nuwe verwagtinge en nuwe vooruitsigte, hoe opgewonde is dit om te weet dat as ons vertroue in die Lewende God gestel is het ons niks het om te vrees nie. Die vraag is gaan jy toelaat dat God jou herstel en optel of gaan jy bly lê en toelaat dat die doel wat Satan beplan het jou lewe vir ewig verwoes?