Nag van die lang messe 07/11/10

Moet ons vrees?

Daar is vandag baie wat gesê word oor die “nag van die lang messe” en dit boesem vrees en angs by baie mense in, so by so dat daar mense is wat die land wil verlaat die oomblik as Nelson Mandela tot sterwe kom en ander wat geheime plekke inrig waarheen hulle kan vlug.  Ek wil graag aan julle openbaar wat God aan my gegee het rakende die nag. Die vraag wat ek aan God gevra het was: "Is daar regtig so nag en moet ons bekommerd wees".

Hy antwoord: Na Mandela se dood sal onheil die land tref mense sal in hulle huise sit en sal vreesbevange wees. Van die een kant van die land tot die anderkant is vrees. Ellende wag dan vir die wat hulself verryk het ten koste van ander wat net hulle eie belange in ag geneem het. Dinge kan baie maklik handomkeer verander maar ons vrolikheid sal gedurende hierdie tyd verdwyn dra dit oor aan ander en deel die kennis dat as ons nie God se wil uitleef nie sal een en dieselfde lot almal tref maar Hy sal dan Sy engele stuur en ons land se sonde sal HY in een enkele dag kom wegneem (wanneer hierdie dag kom is net aan God bekend). Hy gee ook Spr 3:5-6 Vertrou op die Here met alles wat jy het. Moenie staatmaak op jou eie insigte nie. Vra na die wil van God in alles wat jy doen. Hy sal die regte pad vir jou wys.

Hier onder volg die profesieë en sienings van 2 ander persone wat verbonde is aan die webblad www.crossconnections.net
SELENE BASSON
Hier sien ek in my gees, mense met lang messe wat aanval. Ek bly dink aan Siener van Rensburg se profesie oor die Nag van die lang messe. En net Saterdag, 17 Julie, toe praat my man se jonger broertjie juis met my oor dit en dat hy en sy meisie al 2 keer gewaarsku is deur wild vreemde mense, dat hulle hul paspoorte moet regkry. – Hierdie wat my swaertjie my vertel het, het my vrees in my hart gegee, maar dit wat God my gewys het het my nie vrees gegee nie. Die 2de aand toe ek by Powerhouse Ministries was en die hoof pastoor/profeet my gesalf en besigheid geseën het, het hy gepraat van die nag met die lang messe en dat ons nie daaroor bekommerd moet wees nie want God kom nie om vrees in ons te sit nie en wat ook al gebeur, Hy sal ons beskerm. Toe gee God hierdie skrif vir my: Jeremia 15:20
…I will make you a wall to this people, a fortified wall of bronze; they will fight against you but will not overcome you, for I am with you to rescue and save you. I will save you from the hands of the wicked and redeem you from the grasp of
the cruel.
Ek glo die Here se hierdeur vir my dat daar wel moeilike tye gaan kom, maar Hy sal ons beskerm en wysheid gee in daardie tye. -
Antwoord op my vraag aan Hettie oor die Nag van die lang messe:
HETTIE KRAUSE
Nou weet ek ek mag met jou deel wat Hy vroeër al vir my begin wys het en nog vanoggend vir my by gesê het:
Jer 1:14 From the north disaster will be poured out on all who live in the land. (Dit wat Hy sterk in my gees wys is veral die Moslems wat hier toegelaat word uit die moslemlande. Die Christene - ware Christene - is enigste 'kompetisie'/weerstand vir die moslemgeloof.) Die nag kan fisiese aanvalle wees of geestelike aanvalle. Ons moet
net gehoorsaam wees aan wat die Here vir ons vra om te doen. Ek glo Hy is besig om Sy hemelse leërmag reg te kry om ons te beskerm.
JOHANNA BRANDT
Die gebeure wat Die Here vir Johanna Brandt gewys het in een nag het haar oornag laat grys word.  Die feit dat Die Here hierdie gebeure vir haar in EEN nag gewys het beteken nie noodwendig dat dit in EEN nag gaan gebeur nie.  Dit is baie moontlik dat n groot gedeelte van wat sy gesien het reeds kon plaasgevind het met al die misdaad en plaas moorde van die laaste tien jaar.  Dit is weereens n interpretasie fout om haar visioene te vat en dit sommer net te interpreteer as n “nag van lang messe”.
Haar visioene kan as bevestiging gebruik word vir die visioene wat deur haar tydsgenoot Siener van Rensburg ontvang is maar nie as bevestiging van “n nag van lang messe” of “nag van veskrikking” soos dit ook genoem word nie.  “Ek kan my nie sterk genoeg teen hierdie storie uitspreek nie, want ek is glad nie oortuig daarvan dat Johanna Brandt so n visioen gesien het nie.” – FH Pretorius
ANDER PROFETIESE WOORD
Daar is heelwat visioene en profesie wat die rondte doen van meer onlangse woord wat van Die Here af ontvang is, wat baie duidelik en uitdruklik waarsku van 'n oorlog wat op pad is.  Sommige van dit het deur myself gekom as instrument en boodskapper van Die Here.
HOE REAGEER ONS HIEROP?
Die Here waarsku dat daar n oorlog kom en soos met alle woord van Hom af het hierdie dinge nie nodig om te gebeur as die volk na God toe draai nie.  Profesie word ook uit liefde aan ons gegee as n lig in die duisternis sodat as die oorlog nie vermy kan word nie, die kinders van Die Here kan weet wat kom en nie onkant gevang word en dalk begin dink dat Die Here hulle verlaat het nie.