Hemel

Kies reg, kies Jesus

Ek steek my hande in kristal helder water in, die rand van die fontein waarop ek sit is van spierwit marmer gemaak. Ek drink en proe die soet smaak van suiwer skoon water.  Oral loop diere rond, nie een is bang vir die mense nie, hulle laat toe dat ek hulle streel en optel.  Dis hemel hierdie…. dis die plek waarheen elkeen eendag gaan wees wat vir Jesus kies. Dis die nuwe Jerusalem… die nuwe aarde.  Ek druk my tone tussen die sagte dik gras in, wat ‘n lekker gevoel… my mond sukkel om toe te bly as ek staar na die prag van die tuine om my, alles is skoon, helder, kleurvol, rein, suiwer en almal dra wit. Ek druk ‘n groot druiwekorrel in my mond en my oë soek Jesus want ek wil hê dat Hy moet kom proe.  Oegh, dis nou lekker.  “Hier, antwoord Hy,  eet jy omdat dit lekker is, nie omdat jy honger is nie, hier kan jy water drink omdat dit vars en skoon en soet is, nie omdat jy dors is nie.”

As jy lus kry om met ‘n leeu in die gras rond te speel dan doen jy dit, as jy op ‘n kameelperd wil ry, niks gaan jou keer nie.  As jy sjimpansees wil bone voer dan lê die hele dag oop vir jou om dit te kan doen. As jy net luilekker wil rondlê kry jy vir jou ‘n lekker hoekie en rus, nie omdat jy moeg is nie maar omdat dit lekker is”.
‘n Groep mense kom oor die gras verby gehardloop en ontmoet ander wat nader kom, ek kan dadelik sien dat hulle mekaar ken, ‘n pa en dogter, die herontmoeting is met soveel vreugde en liefde, hulle is almal so bly om mekaar te sien.
Ek sien mense wat skilder, mense wat sing, wat dans, mense wat instrumente speel….. niemand sal ooit hier vervelig wees nie, die talente wat jy op aarde gekry het gaan jy hier ook gebruik.  Jy gaan dit doen omdat dit vir jou lekker is. En as jy lus is om na engele kore te luister dan gaan soek jy hulle, as jy lus is om te kyk hoe mense skilder dan doen jy dit.  Vryheid, vrede, liefde en bo alles God se teenwoordig. Almal bring ere aan God, almal voel Sy teenwoordig, beweeg in dit, en aanbid Hom, prys Hom en eer Hom.  Alles gaan om Hom, vir Hom en oor Hom. Die Here is ons Herder en niks sal ontbreek nie.  Hy laat ons rus in hierdie groen weivelde, na water wat verfrissend is sal Hy ons lei.  Ons word soos eregaste behandel. Sy goedheid en trou vergesel elkeen van ons.  Dis die huis van onse Here…. Dis Hemel…. Dis Jesus…. Dis God….Dis wat Hy bied…. Dis wat Hy gee en dis waarvoor jy gekies het.  Halleluja!