Stormwind Engele

Stormwind engele

STORMWIND ENGELE

Die tweede engel van die groep sluit by ons aan.  Ons stap by die waterfontein verby en so terloops druk hy sy hand in die water in, dieselfde gebeur met die water as die vorige dag.  Ver stap ons in ‘n westelike rigting. As ons stilstaan gaan die engel ‘n paar tree voor ons uit.  Die engel laat wind begin waai, hy doen niks besonders nie maar ek kan sien dat dit hy is wat die wind veroorsaak.  Dit word al hoe sterker en sterker, my mantel waai reguit na agter toe en Jesus se klere waai styf vas teen Sy lyf.  Soos die wind sterker word begin ek omwaai, voel nou soos die suidwester in die Kaap.  Dan gryp ek vir Jesus vas, Hy staan stewig alhoewel die wind sterk teen Hom is.  Die engel staan in hierdie wind asof dit nie bestaan nie, sy mond is nou in ‘n tuit gevorm en ek kan sien dat dit hy is wat die wind blaas. Die wind word later ‘n stormwind…. en dan is alles verby. 
Ja, nee nou besef ek dat God aan sommige engele die mag gegee het om die natuur te beheer, die stromwind engele. Heb 1:7 Van die engele sê Hy: “Hy maak Sy engele stormwinde en Sy dienaars vuurvlamme.”