En dan kom die vrae in my kop op. Daar is so baie dinge wat vertel word oor mense wat engele gesien het, wat moet ‘n mens glo as die waarheid, hoe weet ‘n mens wanneer dit ‘n engel van God is of wanneer dit demone is? As ek so na hierdie wesens kyk wat voor my staan wonder ek is hulle engele of demone? Een van die eerste dinge wat ‘n mens hoor as jy gesels oor engele is dat geleerdes uitdruklik vir ons vertel dat engele nie babas is nie en dat hulle verseker nie vroulik is nie, nou wie en wat staan hier voor my?.
Ons begin die pad met hierdie groepie aanstap na die plek waar die fontein is. By die fontein is ‘n denkbeeldige lyn wat ek nog nooit toegelaat is om oor te stap nie, ek kon nog net loop tot by die lyn maar moes dan daar wag en dit is hier wat drie engele vir ons wag. Jesus draai na my en vra: “Wat dink jy, is hierdie vyf demone of is hulle engele”. Ek begin met Hom redeneer: “As God massiewe groot engele kan maak dan glo ek ook dat daar klein engele kan wees. Ek glo wat ek geleer is en dit is dat daar nie vroulike engele bestaan nie alhoewel ‘n mens van enorm baie mense hoor wat vroulike engele al gesien het. Wat die een betref met die gewone klere, dit kan ek glo want ‘n mense lees baie, selfs in die Bybel dat engele soos gewone mense geklee is”.
Ek vat die baba en die man engel en laat hulle eenkant staan en antwoord Jesus:
“Ek dink, hulle twee is ware engele, die ander is demone.
Jesus vra my: “Wat lees jy in die Bybel hoe is engele geklee?”
Ek antwoord: “In wit? maar altyd met klere aan”
Hy stap na die baba engel toe en sê: “Hierdie “gerub” engeltjies word altyd naak voorgestel en voor God sal hulle nooit so verskyn nie en ook is hulle nie in wit geklee nie, want in God se teenwoordigheid simboliseer wit reinheid”. Een van die engele wat vir ons gewag het, vat die baba engel en vlieg met hom weg.
Dieselfde gebeur met die halfnaak sprokies vroue karakter en die vrou met die groot borste. Die twee wat oorbly is die klein kindergrootte engel en die mansengel wat in verslete klere is. Ek staan verbaas, nooit, nooit sou ek kon dink dat daar sulke klein engele ook is nie. Waarlik hierdie klein wesens bestaan werklik hulle is omtrent so meter hoog met krullerige hare, intellegent, wys, maar tog ook met ‘n speelse karakter. En Engele wat aan ons verskyn kan gewone verslonsde klere ook aan hê, soos die Bybel tereg noem: Hulle kan tussen ons beweeg en ons weet dit nie eers nie.
Geen opmerkings nie:
Plaas 'n opmerking