Ek noem hulle Kosmos Engele

Kosmos engele

Wat 'n uitmuntende voorbeeld van 'n engel wat in wolke staan

Hierdie foto is in Suid-Afrika geneem

Let op hoe groot hierdie wesens is

By die denkbeeldige lyn sluit die derde engel by ons aan, hierdie een het een paar vlerke.  As hy by die fontein verby loop druk hy sy vlerk in die water in en natuurlik verander die water ook soos met al die voriges. Hy loer speels na my en glimlag so asof hy wil sê: “Wou maar net wys ek kan dit ook doen”. Ek glimlag terug en ervaar ‘n goeie vriendelike, humoristiese gees wat uit hierdie engel straal.  Ons is oppad na die plek waar die massa engele bymekaar gekom het.
So in die stap kom ‘n ander engel met vlerke van voor, as hy verby ons loop groet die twee engele mekaar deur hulle vlerke te laat raak.  Hy groet my beskermengel deur hulle hande te laat raak en hy groet vir Jesus deur eerbiedig te buig voor Hom.  As ons op die plek kom waar hulle wil wees loop Jesus en die engel vorentoe, ek kry die gevoel ons moet eers nog ‘n bietjie wag.

Ek skrik my amper van my voete af as een van die enorme groot “kosmos” engele skielik hier voor ons neersak. Net sy knieë ondertoe is vir my sigbaar.  Hy buk af en tel die engel met vlerke op sy hand, hulle twee gesels oor iets, hy sit die engel weer neer en vlieg weg in ‘n westelike rigting die horison in.  Ek hou hom dop as hy so van ons af wegvlieg tussen die wolke in.  Hy maak sy staan tussen die wolke en word dan een met die wolke. Ek kan nie glo wat ek sien nie, ek sien die engel maar dis nie meer ‘n engel nie maar ‘n wolk maar tog is dit nie ‘n wolk nie dis ‘n vorm van ‘n engel.

Dan tref dit my, die foto’s wat mense so neem van engele in die wolke, is hierdie enorm groot kosmos engele, dis hulle wat die tekens van die bo-natuurlike van God in die wolke vir ons bring. Dis hulle wat mense hier op aarde so gaande het oor die beelde wat ons sien in die wolke. Nou glo ek ook want ek het dit met my eie oë sien gebeur.