Krag engele (Powers)

·         Hierdie engele is oor die kosmos aangestel, hulle beskerm die kosmos en mensdom teen bose magte. Hul hoofdoel is om die Aarde en Hemel in stand te hou en om na die skeppingswerk van God om te sien.  Iets wat hierdie engele besonders maak is hul grote, waar hul soms tot kilometers lank is, hulle word ook beskryf as die “werkesels”.  Hulle beskerm God se skeppingswerk en dit is ook hulle taak om die woeste storms, wind en verwoesting wat die einde van die tyd inlei, in bedwang te hou. Krag engele assisteer ook Owerheid engele in hul taak om lande, stede, gemeenskappe ensovoorts te dien.

·         In Openbaring 10 lees ons van hierdie ontsaglike groot engele:  EN ek het ’n ander sterk engel uit die hemel sien neerdaal, bekleed met ’n wolk, en ’n reënboog was oor sy hoof, en sy aangesig was soos die son, en sy voete soos pilare van vuur. In sy hand het hy ’n geopende boekie gehad, en hy het sy regtervoet op die see gesit en sy linkervoet op die land en hy het met ’n groot stem uitgeroep soos ’n leeu wat brul, en toe hy uitgeroep het, het die sewe donderslae hulle stemme laat hoor. En toe die sewe donderslae hulle stemme laat hoor het, wou ek skrywe; maar ek het ’n stem uit die hemel vir my hoor sê: Verseël wat die sewe donderslae gespreek het, en skryf dit nie op nie. Die engel wat ek op die see en op die land sien staan het, het sy hand na die hemel opgehef, en hy het gesweer by Hom wat tot in alle ewigheid lewe, wat die hemel geskape het en wat daarin is, en die aarde en wat daarin is, en die see en wat daarin is, dat daar geen tyd meer sal wees nie. Maar in die dae van die stem van die sewende engel, wanneer hy met die basuin sal blaas, dan is die verborgenheid van God volbring, soos Hy die blye tyding verkondig het aan sy diensknegte, die profete.

·          As ons lees in 1 Pet 3:22 Jesus Christus wat heengegaan het na die hemel en aan die regterhand van God is, terwyl engele en magte en kragte aan Hom onderwerp is, sien ons dat wanneer verwys word na Krag engele, wys dit daarop dat hulle nie alleen die bevoegdheid het om krag uit te oefen nie maar ook die bevoegdheid het om dit te gebruik. Hulle word stromwinde en vuurvlamme, hulle kan boodskappe dra na die mense deur wind, wolke, weerlig en kan ook aardbewings veroorsaak. Hulle beskerm en ondersteun nie net nie, maar is ook uitstekende vegters.