Volk Engele of Prinse

God het aan elke land 'n engel gegee wat oor Sy kinders en Koningkryk moet waak. Die term hoof prins word gebruik vir engele wat mag het oor spesifieke nasies dis hierdie engele wat regeer oor ʼn nasie.

• Dan 12:1 In daardie tyd sal Migael, die groot engel wat oor die lede van jou volk waghou, op die toneel verskyn.  Dit sal 'n swaar tyd wees, so swaar soos dit nog nooit was vandat daar nasies is nie.  In daardie tyd sal almal uit jou volk wat in die boek opgeskryf is, gered word.

• Dan 10:20  Hy het toe vir my gesê: " Nou weet jy waarom ek na jou toe gekom het.  En nou moet ek teruggaan om teen die engel van Persië te gaan veg, en as ek met hom klaar is, sal die engel van Griekeland kom."

In die ou vertaling word daar verwys na die groot vors of sommige vertalings gebruik groot prins. Hier kan ons sien dat hierdie engele ‘n groot rol speel vir God se kinders veral in die eindtyd. As dit nie vir hulle was nie sou ons dit baie moeiliker gehad het. Maar God sal deur hulle oorwinning vir Sy kinders bring.